Revelashon 16:4 - Holy Bible Nigerian Pidgin English

⁴ Di third angel pour wetin dey en basin put for river. Di river and di wota wey dey flow pass, kon turn to blood.

Revelashon 16:4 ပူးပေါင်းရင်းမြစ်များ

Psalms 78:44

bikos E turn Egypt river to blood, so dat nobody go fit drink di wota.

Exodus 8:5

God tell Moses, “Go tell Aaron, ‘Take di stik wey dey yor hand take face di river, creek and di ponds and frog go full evriwhere for Egypt.’ ”

Isaya 50:2

Why my pipol nor ansa wen I go meet dem sey I go save dem? Why dem nor ansa wen I koll dem? I nor get pawa rish to save dem? But I fit kommand di sea make e dry kon turn river to desert, so dat di fish dem go die.

Ezekiel 35:8

Na dead body I go take kover di mountins and doz wey die for war, na dem I go use take kover di hills and valley.

Hosea 13:15

Even doh Israel dey grow like betta grass, I go send hot desert breeze from east kom dry dia rivers and well. E go distroy evritin wey dem value.

Revelashon 11:6

Dis two men get di pawa to klose di sky, so dat rain nor go fall as dem dey profesai. Dem still get di pawa to turn wota to blood and to kause bad tins to happen for di eart.

Revelashon 14:7

Di angel kon shaut: “Make una dey fear and give God glory, bikos di time wey E go judge di world, don rish. And make una woship di Pesin wey make heaven, eart, sea and where wota from dey flow!”

Revelashon 16:5

Den I hear di angel wey get pawa ova di wota dey sey: “Di Pesin wey dey since, wey dey naw, di Holy One, na yu dey good, bikos yu don judge well.