Revelashon 12:5 - Holy Bible Nigerian Pidgin English

⁵ Di woman born boy wey go rule di world with strong hand. But dem take di pikin kon go gi-am to God for en throne.

Revelashon 12:5 ပူးပေါင်းရင်းမြစ်များ

Isaya 66:7

My holy town bi like woman wey just born pikin without sey e labor. E born boy pikin without pain.

Isaya 7:14

So, God go give una sign by ensef. One yong woman wey neva ever sleep with man before, go get belle kon born boy pikin and dem go koll am, ‘Immanuel, wey mean, “God dey with us.” ’

Jeremaya 31:22

Pipol wey nor bilive, na wen una go stop to waste una time? Mi wey bi God promise to bring new tin kom dis eart and e go dey special like wen woman dey protet man.”

Mikah 5:3

God go give Israel pipol to dia enemies until di woman wey dey labor go born. Den en own kountry pipol go kom back to dia land from Babilon.

Matiu 1:25

but e nor sleep with am until Mary born di pikin. Den e kon name am, Jesus.

Mark 16:19

Afta Jesus don tok to dem finish, God kon karry am go heaven and e sidan for God rite side.

2 Korintians 12:2

Fourteen years ago, I know one man wey bi Christ savant. Weda na for vishon or Fisical, I nor know, but God know. God karry am go di heaven wey high pass.

2 Korintians 12:4

God karry am go paradise and e hear tins wey dey too holy to tok; tins wey God nor give human being pawa to tok.

Revelashon 11:12

Den one loud vois from heaven go tell di two profet, “Make una kom up!” And dem go-go heaven inside kloud as dia enemies go dey look dem.

Revelashon 12:13

Wen di dragon know sey dem don trow am go di eart, e porshu di woman wey born di boy.

Revelashon 12:2

Di woman get belle and e dey kry well-well, bikos e won born naw.

Revelashon 19:15

One sharp swod dey kom out from en mout and e go take am distroy all di kountries. E go rule dem with strong hand and E go mash di grapes wey dey bring wine with strong vexnashon, bikos na God get all di pawa.