Revelashon 10:1 - Holy Bible Nigerian Pidgin English

¹ Den I si anoda angel wey get pawa dey kom down from heaven inside kloud and rainbow dey on-top en head. En face dey shine like sun and en leg bi like big fire.

Revelashon 10:1 ပူးပေါင်းရင်းမြစ်များ

Psalms 104:3

Yu build yor palis kon put am on-top di kloud where rain from dey kom. Yu turn di kloud to yor shariot kon dey ride am on-top di wind.

Psalms 97:2

Dark kloud dey round am. Na to do rite and judge well, bi di foundashon for en throne.

Exodus 16:10

As Aaron dey tok to Israel pipol, dem turn look di wildaness kon si God glory wey appear inside di kloud.

Song of Songs 5:15

En leg bi like pila wey dem design with marbol and gold; while en face bi like cedar for Lebanon.

Isaya 19:1

Dis message na about Egypt: Si, God dey ride on-top di kloud kom Egypt. Egypt juju fear wen dem si am and di pipol heart kon fail dem.

Isaya 54:9

“I promise una for Noah time sey I nor go use wota distroy di world again. Naw, I dey promise sey I nor go vex for una again and I nor go rebuke or ponish una again.

Lamentashons 3:44

Yu hide yorsef for di kloud, so dat awa prayers nor go rish where Yu dey.

Ezekiel 1:28

Di lite wey dey shine round am bi like rainbow afta rain don fall. Dis na di lite wey dey show how God glory bi. Wen I si am, I fall face groun and I kon hear somebody dey tok.

Daniel 10:6

En body bi like yellow jasper and en face dey shine like lite. En eye dey shine like tosh; en hand and leg bi like bronze wey dem polish. En vois alone bi like sey na many pipol dey tok.

Daniel 7:13

As I still dey look for di vishon for nite, I si wetin bi like human being. E dey waka kom with kloud wey dey round am, den e go show ensef give di Pesin wey dey live forever.

Levitikus 16:2

“Make yu tell yor broda Aaron sey, na di rite time e go-go di place wey holy well-well for di curtain back, bikos na for der I appear for kloud on-top di Kovenant Box. If e nor do am, e go die.

Matiu 17:2

Jesus body kon shange. En face kon dey shine like sun and en dress kon white.

Luke 21:27

Den, dem go si Man Pikin dey kom inside kloud with pawa and glory.

Acts 26:13

My king, around aftanoon for road, I kon si one kind lite from heaven wey shine pass di sun. Di lite shine round mi and di pipol wey dey follow mi travel.

Revelashon 1:7

(Make una look! E dey kom back inside di kloud and evry eye go si am. Even doz wey shuk am and all di tribes wey dey dis eart, go kry bikos of am. Dis tins go really happen! Amen.)

Revelashon 18:1

Afta all dis tins, I still si anoda angel wey get betta authority, dey kom down from heaven and di way e brite rish, kon make di eart dey shine.

Revelashon 18:21

Den one angel wey get pawa, pick one big stone, trow am inside sea kon sey: “Na so dem go take trowey Babilon di big town with force enter sea!

Revelashon 20:1

Den I si one angel dey kom down from heaven, e whole di pit key and one big shain.

Revelashon 4:3

Di pesin wey sidan for di throne bi like jasper and karnelian stone. Rainbow dey round di throne and e bi like sey dem make am with emerald stone.

Revelashon 5:2

Den I si one strong angel dey shaut with loud vois sey: “Na who dey holy rish to break di keys and open dis book?”

Revelashon 8:13

Den I look and I hear one eagle dey shaut as e dey fly for sky, “E go bad well-well! E go bad well-well! E go bad well-well for pipol wey dey dis eart, bikos of wetin go happen wen di last three angels go blow dia trumpets.”