Psalms 95:7 - Holy Bible Nigerian Pidgin English

⁷ bikos na-im bi God. Wi bi en pipol and E dey wosh ova us, bikos na wi E dey kare for.

Psalms 95:7 ပူးပေါင်းရင်းမြစ်များ

1 Kronikles 16:14

Na-im bi di Oga awa God! Na-im dey judge di whole eart.

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Psalms 115:3

Awa God dey for heaven and E dey do wetin E like.

Psalms 23:1

Just as shepad dey guide en sheep, na so too God dey guide and provide for mi; so hongry nor go kill mi.

Psalms 48:14

Bikos na so God bi! Na-im bi awa God and E go guide us forever and ever.

Psalms 67:6

All di seed wey dem plant dey grow well for di eart, so make di Oga awa God, bless us!

Psalms 74:1

My God, wetin make Yu rijet us forever? Wetin make Yu dey vex for yor own sheep wey dey yor field?

Psalms 79:13

Den, wi yor pipol, di sheep for yor field, go tank Yu forever kon dey praiz yor name from one generashon go rish anoda.

Exodus 15:2

Na God bi my pawa and Savior. Dis na my God and I go praiz am. My grand-grand papa dem God and I go sing about how E great rish.

Exodus 20:2

“Na mi bi di Oga una God wey take una komot from Egypt, where una for bi slave.

Proverbs 8:6

Make una listin to mi! I get betta words to tell una and na di rite words I dey tok so.

Isaya 55:3

My pipol, make una open una ear as una dey kom meet mi; make una kom meet mi and una go get life! I go give una kovenant wey go last forever kon give una di blessings wey I promise David.

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Mikah 7:14

Naw, my God, make Yu protet yor pipol with yor shepad stik. Make Yu lead yor pipol wey dey special for yor eye. Even doh dem dey stay alone for bush, make yu let dem chop betta food wey dey Bashan and Gilead, just as dem dey do before.

Matiu 17:5

As e still dey tok, one brite kloud kon kover dem and one vois kon sey, “Dis na my Pikin wey I love. Make una listin to am!”

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

Hibru 11:16

But as tins bi so, dem dey espect kountry wey betta pass dia own and e dey kom from heaven. Naim make God nor shame wen dem dey koll am dia God, bikos E don build big town for dem.

Hibru 3:13

But make una dey enkourage one anoda evriday, so dat non of una go get bad mind, bikos of sin.

Hibru 3:15

But as dem rite am, “I wish sey una go do wetin e tok, so dat una nor go get strong heart like Israel pipol wen dem dey wildaness.”

Hibru 4:7

But God don plan anoda time wen wi go enter en rest and dat time, “Na today”, bikos E don tok am for en word before thru David.

1 Pita 2:25

Before-before, una waka komot for di rite road like sheep wey lost, but naw, una don turn back go meet di Shepad and Pesin wey dey guide una soul.

Revelashon 3:20

Listin! I stand for di door dey nok! If anybody hear my vois, kon open di door, I go enter go meet am, kon follow am chop and e go chop with mi too.