Psalms 91:15 - Holy Bible Nigerian Pidgin English

¹⁵ Wen dem koll mi, I go ansa dem; I go dey with dem wen dem dey trobol. I go save and make pipol honor dem.

Psalms 91:15 ပူးပေါင်းရင်းမြစ်များ

Job 12:4

Even my friends dey laf mi naw; dem dey laf, but I know sey I nor do any bad tin. I bilive sey God go ansa my prayers.

Job 5:19

E go save yu from trobol six times and wen e rish di sevent one, evil pipol nor go fit tosh yu.

Psalms 10:17

Oga God, na Yu bi di hope wey poor pipol get. True-true, Yu go hear dia kry kon konfort dem.

Psalms 138:7

Even doh trobol gada round mi, Yu still kom save mi. Yu protet mi from my enemies wey dey vex for mi and yor rite hand kon save mi.

Psalms 18:15

Den as God kommand and as E just breath, di sea bottom open and di eart foundashon kon dey show.

Psalms 23:4

Even doh I waka pass di place wey dark pass and where deat dey, I nor go fear anytin, bikos E dey with mi; en rod and staff dey protet and konfort mi.

Psalms 37:40

God go help and save dem from wiked pipol. E go save dem with en pawa and dem go dey save inside am.

Psalms 50:15

Afta, make una koll mi wen una dey trobol and I go kom save una, den una go give mi all di glory.”

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 58:9

Wen una pray, I go ansa una. Wen una koll mi, I go hear una. If una stop to opress pipol and tok wiked words kon stop wiked tins;

Isaya 65:24

Even before dem go pray to mi, I go ansa dia prayers and as dem still dey tok, I go hear dem.

Jeremaya 33:3

“Koll mi wen yu dey pray and I go ansa yu; I go tell yu great and wonderful tins wey yu nor know about.

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

Matiu 28:20

dey tish dem to do evritin wey I tish una. I go always dey with una until di world go end.”

John 12:26

Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

John 12:43

Bikos Jew pipol like make pipol dey praiz dem pass wetin God tink about dem.

John 16:32

Look, di time dey kom and e don even rish, wen una go skata and evribody go-go en own way and I go stay alone. But I nor dey alone, bikos my Papa dey with mi.

John 5:44

How una go fit bilive wen una dey praiz each oda and una nor kare for di praiz wey only God fit give.

2 Timoti 4:17

But God dey for my side and E give mi pawa, so dat thru mi, Gentile pipol go hear di Good News and Christ don save mi from lion mout!

Hibru 5:7

Wen Jesus still dey dis eart, e pray and kry to God wey go save am from deat. God hear en prayers, bikos e obey God for evritin.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

1 Pita 3:22

go heaven kon go sidan for God rite hand, where e dey rule di angels and doz wey get pawa.

1 Pita 5:4

So wen di big shepad, Jesus Christ go kom, e go give una crown wey en glory nor go ever fade.

Revelashon 3:21

Bikos I bear rish di end kon follow my Papa sidan for en throne, anybody wey fit bear rish di end, go follow mi sidan for my throne too.

1 Samuel 2:30

“So, di Oga wey bi Israel God sey, ‘Aldo I tok sey yor house and yor grand-grand papa house go serve mi forever, but e nor go happen again! Bikos I go honor doz wey honor mi, but doz wey nor gri do wetin I tok, I go curse dem!