Psalms 90:10 - Holy Bible Nigerian Pidgin English

¹⁰ Na seventy years Yu give us! Some pipol even dey rish eight years. Even di estra years wey human being dey live, na pain and trobol full am; but di years go soon disappear and wi go fly go.

Psalms 90:10 ပူးပေါင်းရင်းမြစ်များ

Jenesis 47:9

Jakob ansa Fero, “I don stay for more dan one hundred and thirty years. And all di years wey I don spend for dis life nor many, but e nor dey eazy; di years wey I don stay, nor many rish di years wey my grand-grand papa dem stay.”

Jenesis 6:3

So Oga God kon sey, “My Spirit nor go fit stay with man again pass one hundred and twenty years, bikos dem bi ordinary human being.”

2 Samuel 19:35

I don old rish eighty years and nor-tin dey make mi happy again, I nor dey taste or enjoy wetin I dey chop or drink and I nor dey hear pipol wen dem dey sing again. So if I follow yu go, na wahala I go just bi to yu.

2 Samuel 19:36

Dat kind big reward nor fit mi. So I go follow yu pass Jordan River small.

1 Kings 1:1

Naw, David don old well-well and even wen dem kover am with klot, kold go still dey katch am.

Job 14:10

But if pesin die, na di end bi dat. Dem don die; so where dem dey naw?

Job 20:8

Dem go vanish like dream and vishon for nite and pipol nor go si dem again.

Job 24:24

Wiked pipol fit dey great naw, but e nor go tey before dem go die go like grass and korn wey dem kut trowey.

Job 5:7

But just as lite dey shine go up, na so too dem born pesin enter trobol.

Psalms 78:39

bikos E remember sey na ordinary human being dem bi. Dem go just die go like breeze wey nor dey kom back again.

Isaya 38:12

Dem skata where I dey stay won kon take my life like tent wey dem pul from groun; like klot wey dem kut komot from machine. Yes! I bin tink sey God won end my life.

Levitikus 27:7

If di pesin na from sixty years go up, if na man, na fifteen shekel and woman, na ten shekel e go pay.

Luke 12:20

“But God kon tell di man, ‘Yu bi fool! Dis nite, yu go die, den who go kon get all dis tins wey yu don gada for yorsef?’

Deutronomi 34:7

Moses na one hundred and twenty years wen e die, but en eye still klear and e still strong like yong boy.

James 4:14

but yu nor know tumoro. Wetin yor life bi like? Yu bi like smoke wey dey kom out from fire. Pipol go si am, den small time e go vanish.

Joshua 14:11

Yet, I still strong like wen Moses send mi go spy. I fit still fight kon do my evriday work with di same pawa wey I get dat time.