Psalms 89:17 - Holy Bible Nigerian Pidgin English

¹⁷ Na Yu bi dia strent and glory and e dey sweet Yu to make us strong and bikos Yu favor us, wi dey always win.

Psalms 89:17 ပူးပေါင်းရင်းမြစ်များ

Nehemaya 8:10

“Naw, make una go house go celebrate. Share food and wine with pipol wey nor get. Today na holy day for awa Oga God, so make una nor kry, bikos na God happiness dey make una strong.”

Psalms 112:9

Dem dey share and give wetin dem get to poor pipol for free. Pipol go always remember dia good work forever. Dis kind pipol, go get respet and honor.

Psalms 132:17

For der, I go make David pawa strong; bikos I don decide sey, en shidren-shidren go bi king forever.

Psalms 148:14

E don make en pipol strong kon honor pipol wey dey obey am and na dem bi Israel pipol wey dey klose to am. So make wi praiz God!

Psalms 28:7

Na God bi my strent, my guide and I trust am with all my heart. My heart dey happy well-well, bikos God help mi. So, I go always dey sing dey tank am.

Psalms 75:10

God sey, “I go distroy wiked pipol with dia pawa kon give viktory to pipol wey dey fear mi.”

Psalms 89:24

My goodness and love wey nor dey fail, go dey with am and with my authority, e go grow with pawa.

Psalms 92:10

But Yu don make mi strong like melu wey dey bush and use oil wey fine pass, take anoint mi.

Isaya 45:24

Dem go sey, ‘Yes! Na only God get pawa to save pipol and anybody wey hate am, na disgrace go follow dem.’

Filippians 4:13

I fit do evritin thru Christ wey dey give mi pawa.

1 Samuel 2:1

Hannah kon pray dey sey, “My heart dey happy bikos of God; I dey blow my trumpet loud for God. I dey shaut and happy, bikos God don disgrace and save mi from my enemies.

1 Samuel 2:10

God go skata en enemies; E go skata dem with tonda from heaven. God dey judge di world from biginnin go rish di end. E go give en king pawa kon honor di one wey E anoint.”