Psalms 89:15 - Holy Bible Nigerian Pidgin English

¹⁵ Pipol wey dey woship Yu, dey always dey happy; dem go waka for di lite wey dey yor present, bikos Yu don favor dem.

Psalms 89:15 ပူးပေါင်းရင်းမြစ်များ

Job 29:3

Dat time, God always dey with mi and E dey give mi lite wen I dey waka for darkness.

Psalms 100:1

Make evritin wey dey dis eart, shaut with joy to God!

Psalms 4:6

Many pipol dey sey, “Who go fit show us wetin dey good?” So my God, make Yu smile for us.

Psalms 44:3

Dem nor win di land with dia swod and nor bi dia own strong hand make dem win, but na yor rite and strong hand with di shinin-shinin lite from yor face, help dem, bikos Yu love dem.

Psalms 90:6

For morning, dem dey grow and shine, but for evening, dem go dry kon die.

Psalms 97:2

Dark kloud dey round am. Na to do rite and judge well, bi di foundashon for en throne.

Proverbs 16:15

Wen di king favor pesin, e dey give life; e bi like kloud wey dey bring rain for en sizin.

Isaya 2:5

So, Jakob shidren-shidren, make wi waka with di lite wey God take dey guide us!”

Levitikus 25:9

Den for di tent day for di sevent mont, di day to forgive sins, yu go send somebody go blow di trumpet for di whole land for Israel.

Nahum 1:15

Si! One messenja dey from di mountin kom give una good news! E dey bring peace message kom. So my pipol for Judah, make una celebrate kon do wetin una promise, bikos una wiked enemies nor go ever enter una land again and God go distroy dem finish.

Nombas 10:10

And for di time wen una dey happy like di time for una festival or as di mont just dey start; una go blow di trumpet for una burnt ofrin and di sakrifice wey una dey do for peace ofrin, so dat God go dey remember una: Na mi bi di Oga una God.”

Nombas 23:21

Wahala nor go happen to Jakob shidren; Israel pipol nor go si trobol. Bikos di Oga wey bi dia God dey with dem and na-im bi di king.

Nombas 6:26

God go look una with favor kon give una peace.” ’

Acts 2:28

“True-true, yu don show mi di way wey dey give life and yu go make mi happy well-well wen I dey for where yu dey.” ’

Romans 10:15

How pesin go prish God word wen God nor send am? As God word sey, “Pipol wey dey prish di Good News dey waka well, bikos na good tins dem dey bring!”

Romans 10:18

But make I ask, dem neva hear di message before? Yes! Dem don hear am, bikos God word sey, “Dem prish di message and dia vois rish evriwhere for di world.”

Revelashon 21:23

Di town nor nid sun or moon to shine, bikos God glory dey shine put and na di Lamb bi en lite.