Psalms 77:19 - Holy Bible Nigerian Pidgin English

¹⁹ Yu waka on-top di sea go diliver yor pipol kon strol pass di great river, but nobody fit si yor footstep bikos e nor show at-all.

Psalms 77:19 ပူးပေါင်းရင်းမြစ်များ

2 Samuel 22:8

Den di eart bigin shake dey fear, di sky foundashon bigin shake too, bikos God bin dey vex!

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Job 23:14

E go do wetin E don plan for mi. Na-im dey kontrol my destini.

Job 36:29

Nobody know how tonda take dey make nois for di sky or how kloud take dey waka for heaven where God dey.

Psalms 104:32

E look di eart and di eart shake; E tosh di mountin and dem start to bring smoke.

Psalms 29:10

Na God dey rule ova wota and E go bi king forever.

Psalms 97:2

Dark kloud dey round am. Na to do rite and judge well, bi di foundashon for en throne.

Psalms 97:4

En tonda lite dey shine round di eart, so wen di eart si am, e kon dey shake.

Exodus 14:28

Di wota fall kover di shariot with doz wey dey ride dem and all Fero sojas wey porshu Israel pipol enter di sea, kon die.

Exodus 19:18

Smoke kover Mount Sinai, bikos God land on-top di mountin with fire. Di smoke dey go up like oven own and di mountin kon dey shake well-well.

Habakkuk 3:15

Yu mash di sea with yor horse and di mighty river kon dey foam.

Romans 11:33

Who fit know how God big rish? Who fit know how God wisdom and undastandin bi? Who fit esplain why God dey do wetin E dey do!