Psalms 73:25 - Holy Bible Nigerian Pidgin English

²⁵ Na who I get for heaven escept Yu? I wont Yu more dan anytin for dis eart.

Psalms 73:25 ပူးပေါင်းရင်းမြစ်များ

Psalms 104:34

Make wetin I dey tink, make belle sweet am and I go rijoice bikos of my God.

Psalms 16:11

Yu don show mi di way wey dey give life kon give mi joy for yor present and I dey happy to stay with Yu forever.

Psalms 16:2

I tell my Oga God, “Na Yu bi my Masta! Evry good and betta tin wey I get, na Yu give dem to mi.”

Psalms 16:5

My God, na Yu dey make mi strong and prosper; Yu don give mi betta future.

Psalms 17:15

Bikos I dey raitious, I go si Yu. Wen I don leave dis world kom meet Yu, I go si Yu face-to-face and belle go sweet mi.

Psalms 37:4

Make yu depend on God and E go give yu evritin wey yu wont.

Psalms 43:4

For der, I go-go God altar; di God wey dey give mi joy kon praiz am with my harp!

Psalms 63:3

Yor love wey nor dey fail betta pass life; so I go praiz Yu!

Psalms 89:6

My God, na who pipol won take kompare Yu for all di heavens? E get any angel wey bi like God?

Matiu 10:37

“Anybody wey love en papa, mama and pikin pass mi, nor go fit bi my disciple.

Matiu 5:8

God go bless una wey get pure heart, na una go si God.

Filippians 3:8

Nor bi only doz ones, but naw, I dey look evritin as nor-tin, wen I kompare am with Christ, my Oga God wey I know and I trowey evritin, bikos of am. True-true, I dey look all doz tins as yeye, so dat I go fit gain Christ,

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.

Revelashon 21:3

And I hear one loud vois from di throne dey sey: “Make yu look! God house don dey with human being naw. E go stay with dem and dem go bi en pipol. God ensef go dey with dem.