Psalms 50:23 - Holy Bible Nigerian Pidgin English

²³ But to dey give tanks, na di kind sakrifice wey dey sweet mi for body. So if una follow my kommand, I go show una how God salvashon bi.”

Psalms 50:23 ပူးပေါင်းရင်းမြစ်များ

Psalms 120:1

Wen I dey face trobol, I kry to God and E ansa my prayer.

Psalms 22:23

Evribody wey dey fear God, kom make wi praiz am! All Jakob shidren-shidren, make una kom make wi honor am!

Psalms 25:14

God na friend to doz wey dey fear am and E dey tish dem en kovenant.

Psalms 27:6

Den I go win my enemies wey gada round mi! I go offa sakrifice for dis temple and shaut for joy! I go dey sing and praiz my Oga God.

Psalms 34:5

Doz wey dey go meet am make E help dem, go happy well-well and shame nor go ever katch dem.

Psalms 85:13

Raitiousness dey go for God front go prepare di way wey E go pass.

Psalms 85:9

True-true, time dey kom wen pipol wey dey follow am well, go si en salvashon; den en glory go appear for di land again.

Psalms 86:12

My Oga and God, I go praiz Yu with all my heart, I go give glory to yor name forever,

Psalms 86:9

Oga God, all di nashons wey Yu make, go kom bow down for Yu and dem go praiz yor holy name,

Psalms 91:16

I go bless dem with long life and give dem my salvashon.”

Isaya 12:2

Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

Isaya 45:17

But God go save Israel and dia viktory go bi forever. Nobody go ever disgrace God pipol again.

Isaya 49:6

God tell mi, “My savant, I get big work for yu; yu nor go only make Israel pipol wey survive, great again, but I go still make yu di lite for di nashons, so dat all di world go dey save.”

Luke 2:30

Bikos my eye don si di pesin wey yu won make e save Israel pipol,

John 7:17

Anybody wey ready to do wetin God wont, di pesin go know weda wetin I dey tish na from God or na my own.

Acts 11:14

Wen e kom, e go give yu di message wey God go use take save yu and yor family.’

Acts 13:26

So my brodas, wey bi Abraham shidren and una wey bi Gentile pipol wey dey fear God, na di message about how God go take save pipol, naim wi kom tell una so.

Romans 12:1

My brodas and sistas, God dey good. So Abeg, as una dey alive, make una dey offa una body gi-am as sakrifice. Make una dey do wetin E tok and wetin go make belle sweet am. Na dis bi di best way to serve God.

Romans 15:6

so dat as una dey togeda, una go fit use one vois praiz God, wey bi awa Oga God Jesus Christ, Papa.

Romans 15:9

so dat Gentile pipol go praiz God sey e dey good to dem. Just as God word sey, “I go tell Gentile pipol about yu and I go sing, dey praiz yor name.”

Galatians 1:24

So dem kon dey praiz God bikos of mi.

Galatians 6:16

Una wey dey obey dis rule wey I dey give so, make peace and mesi dey with una and all God pipol.

Filippians 1:27

Make una life dey show sey una bilive Christ message, so dat weda I kom si una or not, I go dey hear sey una dey strong with one spirit, one mind and dey fight togeda make di gospel for stand.

James 3:13

Who get sense among una? Di way di pesin dey bihave go show di gentolness wey wisdom dey bring.

1 Pita 1:15

But for evritin wey una dey do, make una dey holy like di Pesin wey koll una,

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.