Psalms 50:14 - Holy Bible Nigerian Pidgin English

¹⁴ So make tanksgivin bi una sakrifice to God, den make una keep di promise wey una make to di Most High.

Psalms 50:14 ပူးပေါင်းရင်းမြစ်များ

Job 22:27

Wen yu pray, E go ansa yu and yu go keep di promise wey yu don make.

Psalms 147:1

Make wi praiz God! Si as e dey good to sing praiz God! Yes, na to praiz God bi di rite tin to do!

Psalms 22:25

I go praiz Yu for where yor pipol gada. Doz wey dey woship Yu, na for dia present I go for do wetin I vow.

Psalms 22:26

Make doz wey dem dey opress, si food kon chop beleful. Evribody wey dey fine God, go praiz am and dia heart go dey happy with joy wey nor dey end.

Psalms 27:6

Den I go win my enemies wey gada round mi! I go offa sakrifice for dis temple and shaut for joy! I go dey sing and praiz my Oga God.

Psalms 50:23

But to dey give tanks, na di kind sakrifice wey dey sweet mi for body. So if una follow my kommand, I go show una how God salvashon bi.”

Psalms 56:12

My God, I go do wetin I vow to give Yu and tank Yu, bikos of how Yu dey help mi.

Psalms 61:8

Den, I go dey sing praiz yor name forever kon dey do wetin I promise Yu.

Psalms 65:1

My God wey dey Zion, na betta praiz dey wait Yu, bikos yor pipol dey do wetin dem promise.

Psalms 69:32

So make pipol wey dem dey opress, happy, bikos God go enkourage doz wey dey obey am.

Psalms 76:11

So, wen una vow give di Oga una God, make una keep una promise. Make evribody bring gift kon give di Holy One!

Psalms 76:12

E dey honbol prince and kings for dis eart, dey fear am.

Hosea 14:2

Make una turn kom meet God and pray to am sey: “Make Yu forgive us awa sin kon asept awa prayers, so dat wi go praiz Yu.

Nahum 1:15

Si! One messenja dey from di mountin kom give una good news! E dey bring peace message kom. So my pipol for Judah, make una celebrate kon do wetin una promise, bikos una wiked enemies nor go ever enter una land again and God go distroy dem finish.

Nahum 2:1

Nineveh pipol, somebody dey kom attack and skata una land. So, make una guide una town well-well and wosh una road too! Make una dey strong and ready to fight!

Romans 12:1

My brodas and sistas, God dey good. So Abeg, as una dey alive, make una dey offa una body gi-am as sakrifice. Make una dey do wetin E tok and wetin go make belle sweet am. Na dis bi di best way to serve God.

Deutronomi 23:21

Wen una make promise give di Oga una God, make e nor tey before una do wetin una promise, if not, God go hold una sey una don sin.

Deutronomi 23:22

But e nor go bi sin, if pesin nor make promise or vow at-all.

Deutronomi 23:23

Anytin wey una promise, una must dey kareful sey una do am. And di promise wey una make to di Oga una God must kom from una free mind.

Deutronomi 23:24

If una enter una neighbour vineyard, una fit chop as many grapes as una wont, but make una nor take any one komot from di vineyard.

1 Tesalonians 5:18

Make una dey tank God for evritin, bikos na so God wont sey make una wey dey inside Christ dey do.

Hibru 13:15

True Christ, make wi kontinue to dey give God praiz as awa sakrifice. So, make wetin dey kom out from awa mout bi, “Na Jesus, bi Oga God.”

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.