Psalms 46:10 - Holy Bible Nigerian Pidgin English

¹⁰ God sey, “Make una stand for where una dey, den una go know sey na mi bi God! Evry nashon go honor mi and evribody for di world go praiz my name.”

Psalms 46:10 ပူးပေါင်းရင်းမြစ်များ

1 Kings 18:36

Wen time rish to do di evening ofrin, Profet Elijah waka go di altar go pray, “My Oga God wey bi Abraham, Isaak and Israel God! Make Yu show today sey, na Yu bi Israel God and I bi yor savant wey dey do di tins wey Yu kommand.

2 Kings 19:12

Where di kountries wey my grand-grand papa dem distroy. Where Gozan, Haran, Rezef and di pipol for Eden for Telassar? Dia gods save dem?

2 Kings 6:23

So di king do big party for dem and dem chop and drink. Den e send dem go back go meet dia oga. Afta dat, no soja for Siria ever kom fight against Israel pipol again.

1 Kronikles 29:11

Yu dey great and get pawa; Yu get glory, honor and respet. Evritin for heaven and eart, na yor own and dis na yor kingdom. Wi dey praiz Yu pass evritin for dis world.

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Psalms 21:13

My God, make Yu raiz-up with all yor pawa and wi go praiz and sing songs to take celebrate evritin wey Yu don do.

Psalms 37:15

But dia swod go stab dia own heart and dia bows go break.

Psalms 57:5

My God, make Yu raiz pass di sky! Make yor glory shine for evriwhere for di eart.

Psalms 83:18

Den dem go know sey na only Yu bi God, di Pesin wey get pawa pass for di whole world.

Exodus 18:11

Naw, I know sey God big pass all di gods, bikos en pipol don dey save from Egypt pipol pawa; Egypt pipol wey wiked and like yanga well-well.”

Isaya 2:11

Di day dey kom wen God go honbol proud pipol kon disgrace sturbon pipol. Den na only God, pipol go dey praiz.

Isaya 2:17

For dat day, God go distroy doz wey dey karry body up kon disgrace sturbon pipol and na only en name pipol go dey praiz.

Isaya 2:4

E go judge and setol kworel among nashons. E go setol many pipol kase. Dem go turn dia swod to ordinary blade kon use dia spear dey work for vineyard. Den, no nashon go fight against anoda nashon and dem nor go train pipol to fight war again.

Isaya 5:16

Wen God wey dey lead heaven sojas don ponish dis pipol, dem go praiz am and afta E don judge all of dem, evribody go know sey Oga God get pawa well-well.

Jeremaya 49:35

E sey, “I go kill all di sojas wey dey guide and protet Elam pipol.

Ezekiel 30:8

Wen I don put fire for Egypt and all di sojas wey dey guide am don die finish, den dem go know sey na mi bi God.

Ezekiel 38:23

Na like dis I go take show all di kountries as I dey great and holy rish. Den, dem go know sey na mi bi God.”

Ezekiel 39:3

Den I go nak en bow komot from en left hand and di arrow wey dey en rite hand.

Mikah 4:3

God go judge many pipol kon setol di kworel wey strong nashons get. Den dem go dey use dia swod and spears take dey work for farm. Pipol from difren kountry nor go fight each oda again or train dia pipol to go fight war.

Habakkuk 2:20

But Oga God dey en holy temple, so make evribody for di world, keep kwayet for en present.”

Zekaraya 2:13

So, make evribody kwayet for God present, bikos E dey kom from en holy place.

Joshua 11:6

God tell Joshua, “Make yu nor fear dem, bikos by dis time tumoro, I go distroy dem for Israel pipol front. Yu must cripple all dia horse kon burn dia shariot.”

Joshua 11:9

Joshua do dem, just as God kommand; e cripple dia horse leg kon burn dia shariot.

1 Samuel 17:46

Today, God go give yu to mi. I go kill yu for groun kon kut yor head komot. I go give yor dead body to di bird for di sky and di wild animals for di land. Den all di land go know sey Israel pipol get betta God

1 Samuel 2:4

Sojas swod don break to pieces, but doz wey dey weak, God dey make dem strong again.