Psalms 44:3 - Holy Bible Nigerian Pidgin English

³ Dem nor win di land with dia swod and nor bi dia own strong hand make dem win, but na yor rite and strong hand with di shinin-shinin lite from yor face, help dem, bikos Yu love dem.

Psalms 44:3 ပူးပေါင်းရင်းမြစ်များ

2 Samuel 7:23

No kountry for dis world bi like Israel wey Yu komot from slave kon make dem yor pipol. Di big tins wey Yu do for dem, make pipol know yor name for di whole world. Yu save yor pipol from Egypt, plus di juju and gods wey dey der.

2 Kronikles 20:7

Awa Oga God, Yu porshu doz wey dey dis land before kon gi-am to yor friend Abraham and en shidren-shidren Israel, wey bi yor pipol.

Psalms 111:6

E don show en pipol en great pawa wen E give dem oda nashons land.

Psalms 17:7

Make Yu use yor wonders take show mi yor love wey nor dey fail. Yu don save doz wey kom meet Yu for help. Yu save dem from dia enemies with yor mighty pawa.

Psalms 20:6

Naw, I know sey God dey save di king wey E anoint. E ansa di king from en heaven wey dey holy kon save am with en great pawa.

Psalms 4:6

Many pipol dey sey, “Who go fit show us wetin dey good?” So my God, make Yu smile for us.

Psalms 42:11

Wetin make mi nor get hope? Wetin make my heart nor dey happy at-all? But I go still put my hope for God hand! I go still dey praiz am, bikos na-im bi my Savior and God!

Psalms 42:5

But wetin make mi nor get mind? Wetin make my heart nor happy at-all? I go put my hope for God hand! I go praiz am again, bikos na-im bi my Savior and my God!

Psalms 74:11

Wetin make Yu nor won use yor strong rite hand against dem? Make Yu kom distroy dem finish.

Psalms 77:15

With yor hand, Yu save yor pipol wey bi Jakob and Josef shidren-shidren.

Psalms 78:55

E porshu di nashons wey dey before dem kon divide dia propaty give en pipol. E make Israel pipol relax for dia house.

Psalms 80:16

Make awa enemies nor chop and burn us finish. Make dem die, bikos Yu nor dey happy with dem.

Psalms 80:9

Yu klear di groun for us and wi stay der kon many for di land.

Exodus 15:16

Betta fear go katch dem and with yor great pawa, dem go bi like stone kon dey fear until di pipol wey Yu save, go waka pass.

Isaya 63:12

Where God wey do great tins thru Moses wey divide di sea kon lead en pipol pass di deep wota, so dat honor and glory wey nor dey end, go bi en own?”

Zekaraya 4:6

Den e tell mi, “Dis na wetin Oga God dey tell Zerubabel: ‘Nor bi with force or human being bin pawa, but na with my Spirit.’

Nombas 14:8

If God dey happy with us, E go take us go der kon give us dat land wey full with milk and honey.

2 Korintians 4:7

But dis betta tin wey God give us, wi dey karry am for inside awa body wey go die like klay pot wey break and na God give us di pawa.

Deutronomi 10:15

Yet God show en love to una grand-grand papa dem. And E choose una wey bi dia grand-shidren above evry oda pipol, as all of us dey si am today.

Joshua 24:12

I send fear go for una front go drive di two king for Amor. I give una viktory, even wen una nor use swod, bow or arrow.

Joshua 3:10

Joshua sey, “Na like dis una go take know sey, God wey nor dey die dey with una and E go really porshu Kanaan, Hit, Hiv, Periz, Girgash, Amor and Jebus pipol komot for una.

1 Samuel 12:22

God nor go leave en pipol, bikos E don make promise with una grand-grand papa. God happy to make una en own pipol.