Psalms 37:21 - Holy Bible Nigerian Pidgin English

²¹ Wen wiked pipol borrow sometin, dem nor dey pay back, but doz wey dey fear God dey give tins to pipol with happiness.

Psalms 37:21 ပူးပေါင်းရင်းမြစ်များ

Psalms 112:5

Pipol wey dey dash oda pipol money, dey do dia business well and na dem good tins dey follow.

Psalms 112:9

Dem dey share and give wetin dem get to poor pipol for free. Pipol go always remember dia good work forever. Dis kind pipol, go get respet and honor.

Proverbs 22:7

Na rish pipol dey rule poor pipol and if yu borrow money from pesin, yu go bi en savant.

Isaya 32:8

But good pesin dey plan to do good tins and na-im karata dey save am.

Luke 6:30

Make una give evribody wey ask una for sometin and if anybody take wetin bi una own, make una nor ask for am back.

Acts 11:29

So di disciples, evribody akordin to how e fit do rish, kon sey dem go send money go give di brodas wey dey Judea.

Acts 20:35

Like dis, I don show una sey wi must help pipol wey dey weak and una remember wetin Jesus Christ tok, wen e sey, ‘E betta make pesin dey give pipol tins, dan make e dey kollect from dem.’ ”

2 Korintians 8:9

Una know di grace wey awa Oga God Jesus Christ get; even doh e dey rish, e kon turn poor man bikos of una, so dat thru en poverty, una go dey rish.

Deutronomi 28:12

God go send rain from en rish store kom meet una for di rite time and E go bless all di work wey una dey do. Una go dey give to many kountries, but una nor go ever borrow from dem.

Hibru 13:16

Make una nor forget to do good and to share wetin una get with each oda, bikos doz kind sakrifice, dey make belle sweet God.

Hibru 6:10

God nor dey support pipol anyhow. E go remember how una help en pipol before-before and how una still dey help dem naw. Una bi God pipol and E nor go forget di love wey una show en shidren.