Psalms 35:13 - Holy Bible Nigerian Pidgin English

¹³ Wen dem dey sick, I dey sorry for dem. I dey ponish mysef as I dey fast for dem. If I dey lie, make God nor ansa my prayers!

Psalms 35:13 ပူးပေါင်းရင်းမြစ်များ

Job 30:25

Abi I nor follow pipol wey dey trobol kry kon sorry for pipol wey nor get at-all?

Psalms 69:12

Doz wey dey sidan for di town gate dey tok about mi and pipol wey don drink, dey sing and laf mi with dia song.

Isaya 58:3

Di pipol ask, “Wetin make us dey fast and honbol awasef if God nor go ansa us?” God kon tell dem, “Di true bi sey, for di time wey una dey fast, una still dey opress una workers and run follow tins wey una like.

Isaya 58:5

Na di kind fasting wey I choose bi dis? Na only di time wey una dey fast una dey-dey honbol? Na just to skrape di hair for una head rish groun, I wont? Abi, na to just wear sak kon sleep for ashes? Na dis one una dey koll fasting, di day wey God wont?

Levitikus 16:29

“Dis na di law wey una go obey forever. For di tent day for di sevent mont, Israel pipol and di strenjas wey dey stay with dem must fast and dem must nor do any work.

Levitikus 16:31

Dat day go dey very holy, dem go fast and dem nor go do any work at-all. Dem go keep dis law forever.

Matiu 10:13

And if di pipol inside di house welkom una, make una peace stay with dem, but if dem nor welkom una, una peace go kom back to una.

Matiu 5:44

But I tell una naw sey, ‘Make una love una enemies and pray for pipol wey dey sofa una’,

Luke 10:6

If anybody wey wont peace dey der, una peace go stay with am, but if e nor dey, una peace go kom back to una.