Psalms 34:14 - Holy Bible Nigerian Pidgin English

¹⁴ Make yu turn from wiked tins kon do wetin dey good. Make yu dey leave for peace with evribody and do evritin to keep am like dat.

Psalms 34:14 ပူးပေါင်းရင်းမြစ်များ

Job 28:28

God tell human being, ‘Before una go get sense, una must woship mi. Una go turn live bad tins, before una go fit get undastandin.’ ”

Psalms 120:7

I dey look for peace; but wen ever I tok about am, na war dem dey give mi.

Psalms 37:27

So, make yu turn from bad tins kon do good and yu go stay for di land forever.

Psalms 39:2

But even as I dey kwayet and nor tok wetin good or bad, my sorrow and pain still dey worse more-more.

Proverbs 13:14

Wise pipol word bi like wota wey dey give life and doz wey asept am, dey run from deat.

Proverbs 3:7

Nor tink sey yu wise pass di way yu bi, but just obey God and nor do bad tins.

Proverbs 4:24

Nor ever lie. Nor do anytin with pipol wey dey lie or tok bad words.

Proverbs 8:13

If to sey una dey fear God, den una go hate bad tins. I hate pride, pipol wey dey tok anyhow, bad-bad tins and lie-lie words.

Matiu 5:9

God go bless una wey dey make peace, pipol go koll una God shidren.

Acts 10:38

Jesus Christ wey kom from Nazaret, na-im God give di Holy Spirit and pawa. Una still know how e do good for evriwhere kon heal pipol wey devil dey opress, bikos God dey with am.

Romans 12:18

and make una try to live for peace with evribody.

Romans 12:9

Make wi love each oda well-well. Make una hate anytin wey dey bad, but una must love anytin wey get trut.

Romans 14:17

Bikos God kingdom nor bi food and drink matter, but na about raitiousness, peace and joy wey di Holy Spirit dey give pipol.

Romans 14:19

So, make wi live for peace, den wi go help each oda grow as dem dey serve God.

2 Korintians 13:11

Finally my brodas and sistas, make una use happiness dey do tins as dem suppose bi. Make una take heart, dey greet each oda and live togeda for peace and di God wey get love and peace, go dey with una.

Galatians 6:10

So anytime wey wi get shance, make wi dey do good, especially to pipol wey bi God shidren.

1 Tesalonians 4:11

Make una dey do well, so dat una go live kwayet life; dey mind una own business and dey work with una hand as wi kommand una before.

2 Timoti 2:19

But God strong foundashon still stand and dem rite put sey, “God know en pipol and evribody wey bi Christ own, must stop to do evil.”

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Hibru 12:14

Make una try to live for peace with evribody and dey holy, bikos anybody wey nor dey holy, nor go si God.

Hibru 13:16

Make una nor forget to do good and to share wetin una get with each oda, bikos doz kind sakrifice, dey make belle sweet God.

1 Pita 3:11

E must turn from di wikedness wey e dey do, kon start to do good and make e live for peace with evribody.

3 John 1:11

My friend, make yu nor follow bad tin, but do wetin dey good. Di pesin wey dey do good, na God own and di pesin wey dey do wetin bad, neva know God.