Psalms 33:17 - Holy Bible Nigerian Pidgin English

¹⁷ So make yu nor feel sey na yor shariot go make yu win, bikos with all en strent, e nor go fit save yu.

Psalms 33:17 ပူးပေါင်းရင်းမြစ်များ

Psalms 147:10

E nor kare about di pawa wey horse get or di one wey human being get.

Psalms 20:7

Some nashon dey make mout and trust dia shariot and sojas, but na awa Oga God name wi take dey boast.

Psalms 20:8

Doz nashon go fall skata for groun, but wi go raiz kon stand gidigba for groun.

Proverbs 21:31

Pesin fit ready en horse sey e dey go fight war, but na only God go gi-am viktory.

Ekklesiastes 9:11

I don still notis anoda tin for dis world sey; nor bi who run pass dey always win di race and nor bi di sojas wey strong pass, dey always win di war. Wise pipol dey hongry sometaims and just as pipol wey dey work hard nor dey always get money, na so too pipol wey know book nor dey always get betta life. All dis tins dey happen by shance, as long as yu dey di rite place for di rite time.

Isaya 30:16

Instead, una sey, ‘No! Wi go enter awa horse kon run,’ and true-true, una go run. Una sey, ‘Wi go run with di horse wey fast pass,’ but doz wey dey porshu una, go fast pass una.

Isaya 31:1

Pipol wey dey go Egypt for help, curse dey dia head! Dem dey put dia hope for di plenty sojas, ordinary horse and shariot wey Egypt get. But dem nor trust Israel God or kom meet am make E help dem!

Hosea 14:3

Assyria pipol nor go fit save us and awa shariot nor go fit protet us. Wi nor go ever tell juju again sey, ‘Na yu bi awa god!’ Na Yu God dey save doz wey nor get papa and mama again.”

Deutronomi 20:1

Wen una go fight una enemies and una si dia horse and dia sojas wey strong pass una own, make una nor fear. Di Oga una God wey bring una kom out from Egypt, dey with una!

Judges 4:15

Wen Barak attack, God kon konfuse Sisera and en men. Sisera kom down from en war horse kon take leg dey run.