Psalms 30:11 - Holy Bible Nigerian Pidgin English

¹¹ Naw, Yu don turn my sorrow to happiness. Yu remove di klot wey I take dey mourn kon wear joy for my body like klot,

Psalms 30:11 ပူးပေါင်းရင်းမြစ်များ

Jenesis 37:35

All en sons and dotas stand near am dey kounsol am, but e nor gri ansa dem. So Jakob kon kry well-well for Josef.

Jenesis 45:28

Den Israel sey, “E don do! My pikin Josef still dey alive! I go-go si am before I die.”

2 Samuel 6:14

David wey wear only linen for en waist, dance well-well to take honor God.

2 Kronikles 20:12

Awa Oga God, Yu nor go judge dem? Wi nor get pawa rish dis plenty sojas wey dey kom attack us so o-o. Wi nor know wetin wi go do, so wi kom meet Yu make Yu help us.”

2 Kronikles 20:3

Jehoshafat kon dey fear, so e go meet God. E kommand evribody for Judah sey make dem fast.

2 Kronikles 20:9

‘If wahala kom meet us like sojas attack us, judgement, sickness or sey food nor dey, wi go kry kon meet Yu with awa pain, so dat Yu go hear and diliver us.’

Nehemaya 8:10

“Naw, make una go house go celebrate. Share food and wine with pipol wey nor get. Today na holy day for awa Oga God, so make una nor kry, bikos na God happiness dey make una strong.”

Estha 9:22

bikos na doz days Jew pipol take win dia enemies. Na den dia problem and wahala turn to smile and happiness.” Doz days go bi wen Jew pipol free diasef from dia enemies, so dem go share gifts among demsef and dash poor pipol gifts too.

Psalms 149:3

Make una dance praiz en name with sheke-sheke and jita,

Psalms 150:4

Make wi dance praiz am with sheke-sheke; make wi praiz am with jita and flute!

Psalms 27:7

So my God, make Yu hear my prayer. Make Yu show mi mesi!

Psalms 30:5

Bikos en vexnashon nor dey tey, but en favor dey last forever! Even doh I kry for nite, I know sey joy go kom for morning.

Psalms 4:7

Yu don give mi more joy pass doz wey get many food and wine to drink.

Ekklesiastes 3:4

Time dey to kry and time dey to laf; time dey to mourn and time dey to dance.

Isaya 25:3

Pipol from strong kountry go praiz Yu and wiked pipol from oda towns, go fear Yu well-well,

Isaya 25:8

God wey get pawa go distroy and swallow deat forever! Doz wey dey kry, God go klean dia eyes and E go remove di disgrace wey en pipol don sofa for dis world. God, wey dey lead heaven sojas, don tok.

Isaya 61:10

Jerusalem pipol dey happy, bikos of wetin God don do. E bi like yong woman wey dem dress ready for marriage. God don wear salvashon and viktory klot for en body.

Isaya 61:3

E sey, instead of sadnes, E go give joy and happiness to doz wey dey mourn for Zion. Instead of sorrow, E go put praiz song for dia mout. Dem go bi like tree wey God plant by ensef. All of dem go do wetin dey rite and dem go praiz God for wetin E don do.

Jeremaya 31:4

I go build una again and una go take una sheke-sheke kon dance and dey happy again.

Jeremaya 52:33

So e allow Jehoiashin shange en prison klot, den Jehoiashin kon always dey chop from di king tabol until di day wen e die.

Luke 15:22

“But di papa koll en savants kon tell dem, ‘Make una bring di best klot, ring and shoe and make una wear dem for my pikin.

John 16:20

I tell una true word, una go kry and mourn, but di world go dey happy; una go dey sad well-well, but una sadnes go turn to happiness.

Revelashon 21:4

E go klean evry tears from dia eye and deat nor go dey again. To dey mourn, kry and pain nor go dey again, bikos di tins wey dey before, don vanish.”