Psalms 18:27 - Holy Bible Nigerian Pidgin English

²⁷ Yu save gentol pipol, but dey disgrace proud pipol.

Psalms 18:27 ပူးပေါင်းရင်းမြစ်များ

2 Samuel 22:28

Yu dey save pipol wey dey honbol, but Yu dey honbol pipol wey dey proud.

Psalms 10:4

Wiked pipol too sturbon and dem dey always tink sey, “God nor go do mi anytin, bikos E nor kare.”

Psalms 101:5

I go distroy anybody wey dey plan bad for en neighbour and I nor go sorry for who dey deceive pipol or doz wey get pride.

Psalms 17:10

bikos dem nor dey sorry for pesin. Make Yu hear as dem dey boast!

Psalms 17:13

My Oga God, make Yu raiz-up! Make Yu stand against dem kon nak dem fall! Make Yu use yor swod take save mi from wiked pipol!

Psalms 34:19

Pipol wey dey do wetin dey rite, dey face trobol well-well, but God go save dem from all dia wahala.

Psalms 34:6

I pray to God as I dey sofa and E ansa mi; E save mi from evritin wey dey worry mi.

Psalms 40:17

I dey poor and I nor get anytin, so make God keep mi for en mind. My God, make Yu kwik kom, bikos na Yu bi my help and di Pesin wey go save mi.

Psalms 9:18

But God nor go forget doz wey dey kry for help. E nor go live dem forever; E go always dey give poor pipol hope.

Proverbs 30:12

“Dem bilive sey dem dey good for dia own eye, but dem dirty pass rag.

Isaya 10:12

But God sey, “Wen I finish wetin I dey do for Mount Zion and Jerusalem, I go ponish Assyria king, bikos e dey proud and e too boast.”

Isaya 3:9

Dia face dey show sey dem dey guilty. Just like di pipol for Sodom, na so too dem dey boast about dia sin. E bad well-well for dem, bikos dem dey distroy demsef.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 66:2

Na my hand I take make heaven and eart; dem with evritin wey dey inside na my own. Mi wey bi Oga God, don tok! I go bless di pesin wey dey honbol and dey ready to turn from sin kom meet mi; pesin wey dey fear and obey mi.

Hosea 4:6

My pipol don die finish bikos dem nor know mi. Since di priests don rijet mi, misef go rijet dem as my priests. Since una don forget una Oga God laws, misef go forget to bless una shidren.

Luke 18:14

“I tell una true word, na di tax kollector God go forgive, nor bi di Farisee. Bikos anybody wey karry ensef go up, God go bring am down, but di pesin wey put ensef down, God go karry am up.”

2 Korintians 8:9

Una know di grace wey awa Oga God Jesus Christ get; even doh e dey rish, e kon turn poor man bikos of una, so dat thru en poverty, una go dey rish.

James 2:5

My brodas and sistas, make una listin! God nor choose poor pipol for dis world sey, make dem rish for faith and inherit di kingdom wey E promise sey E go give doz wey love am?