Psalms 17:15 - Holy Bible Nigerian Pidgin English

¹⁵ Bikos I dey raitious, I go si Yu. Wen I don leave dis world kom meet Yu, I go si Yu face-to-face and belle go sweet mi.

Psalms 17:15 ပူးပေါင်းရင်းမြစ်များ

Job 14:12

na so too pipol wey die nor go kom back again. Dem nor go fit si di sky for day time again, bikos dem don sleep go.

Psalms 11:7

God dey good and E dey judge well; so E go favor doz wey dey do good too.

Psalms 119:111

Na yor laws bi my special propaty; na dem my heart wont

Psalms 16:11

Yu don show mi di way wey dey give life kon give mi joy for yor present and I dey happy to stay with Yu forever.

Psalms 49:14

Just as sheep dey waka like mumu, na so too dem go dey waka until dem enter dia grave; di place where Deat go bi dia shepad and oga. For morning, pipol wey dey fear God go rule ova dem. Dia body go rotin for grave wey nor even dey near dia fine house.

Psalms 5:7

Bikos of yor love wey nor dey die, I go enter yor house kon bow woship Yu for yor holy temple.

Psalms 65:4

But blessing go follow di pesin wey Yu choose to stay yor palis. Make di good tins wey dey yor house, yor holy place, beleful us.

Isaya 26:19

God pipol wey don die, go kom back to life! Dia body go raiz-up again. So, all of una wey dey grave, make una wake-up kon shaut with happiness, bikos una go grow well like grass wey dew fall put and di eart go bring back evritin wey don die.”

Jeremaya 31:26

Den pipol go sey, ‘Wi sleep in peace and wake-up in peace.’ ”

Nombas 12:8

So I go tok with am face-to-face and nor bi with word wey e nor go undastand and e go si as God bi. So wetin make una nor dey fear to tok against my savant Moses?”

Matiu 5:6

God go bless una wey dey like to do good tins, E go give una evritin wey una wont.

2 Korintians 3:18

All of us wey don bilive Christ, God glory dey show for awa face. So di Spirit dey help us shange, so dat wi go bi like Christ.

Filippians 3:21

E go use en pawa wey make am Oga God for evritin, take shange dis awa ordinary body and awa body go kon bi like en own wey get glory.

Joshua 24:15

If una sey una nor won woship God, den today-today, make una choose who una go woship, weda na una grand-grand papa gods wey dey di oda side for di river, or Amor pipol gods wey dey di land wey una dey stay so. But for mi and my whole house, na di Oga awa God wi go woship and serve till wi die!”

Revelashon 21:23

Di town nor nid sun or moon to shine, bikos God glory dey shine put and na di Lamb bi en lite.