Psalms 147:14 - Holy Bible Nigerian Pidgin English

¹⁴ E send peace kom una land kon make una chop betta food.

Psalms 147:14 ပူးပေါင်းရင်းမြစ်များ

1 Kronikles 22:9

But E promise mi sey, ‘Yor pikin go rule with peace, bikos I go make all en enemies love am. Di pikin name go bi Solomon, bikos for en time, I go give Israel pipol peace kon guide dem.

Psalms 122:6

So make una pray for peace for Jerusalem and evribody wey love am, go prosper.

Psalms 132:11

God promise David di kind promise wey nor go shange sey: “I go put one among yor shidren for di throne.

Psalms 132:15

I go bless dis town kon make am prosper. Den I go dey feed di poor pipol wey dey di land.

Psalms 29:11

Na God dey give en pipol strent and na en dey bless dem with peace.

Psalms 81:16

But I go give Israel pipol betta food chop; I go make una beleful with betta honey wey dey flow kom out from di rock.”

Isaya 66:12

God sey, “I go make una prosper forever; all di nashon propaty go kom meet una like river wey nor dey dry. Una go bi like pikin wey en mama kare and karry for hand kon trit am with love.

Ezekiel 16:13

Yu get difren gold and silva and yu always dey wear klot wey dem make with betta linen and silk. Yu dey chop bread wey dem make with di best flower and yu get many honey and olive oil to drink. Yor beauti dey shine and yu bi kween.

Ezekiel 27:17

Judah and Israel pipol dey buy goods from una with wheat, honey, olive oil and spices.

Levitikus 26:6

I go give una peace for una land and fear nor go katch una wen una dey sleep. I go kill all di wild animals for di land and war nor go dey der.

Zekaraya 9:8

Den I go surround and guide my temple both for back and front. I nor go allow wiked rulers opress my pipol again, bikos naw, I don si how my pipol sofa rish.”

Deutronomi 32:14

E feed dem with milk from di animals and with di fats wey dey lamb body. E give dem betta ram and goat form Bashan, plus fine-fine food. Una don drink di wine wey sweet pass wey dem make from grape.