Psalms 145:19 - Holy Bible Nigerian Pidgin English

¹⁹ Pipol wey dey fear am, E dey give dem wetin dem wont; E dey hear wen dem dey kry for help kon save dem.

Psalms 145:19 ပူးပေါင်းရင်းမြစ်များ

1 Kronikles 4:10

Jabez kon pray, “Israel God, make Yu bless mi and let my land big well-well. Make yor hand dey with mi kon save mi from trobol, so dat sofa nor go kill mi!” So God kon ansa en prayer.

Psalms 20:4

Make E do evritin wey yu wont and make yu prosper for evritin wey yu dey do.

Psalms 34:17

God dey hear en pipol wen dem koll am for help. E dey save dem from all dia wahala.

Psalms 34:18

Pipol wey nor get hope, God dey-dey near dem; E dey save doz wey dia spirit dey die.

Psalms 34:9

Una wey bi God pipol, make una fear am, bikos doz wey dey fear am go get evritin wey dem nid.

Psalms 37:19

E nor go leave dem wen tins hard and even wen honga dey, dem go get enough food to chop.

Psalms 37:4

Make yu depend on God and E go give yu evritin wey yu wont.

Psalms 91:15

Wen dem koll mi, I go ansa dem; I go dey with dem wen dem dey trobol. I go save and make pipol honor dem.

Proverbs 15:29

God dey far from wiked pipol, but E dey hear raitious pipol prayer.

Matiu 5:6

God go bless una wey dey like to do good tins, E go give una evritin wey una wont.

Luke 1:53

E don make doz wey dey hongry beleful with good food and pipol wey get money well-well, E don make dem poor.

John 15:16

Nor bi una choose mi, but na mi choose una. Bikos of dat, I don give una pawa to bear fruit wey go last, so dat my papa go give una anytin wey una ask am for my name.

John 15:7

If una stay inside mi and my word dey inside una, anytin wey una ask, I go do am for una.

John 16:24

Before naw, una neva take my name ask for anytin. Naw make una use my name ask for anytin wey una wont and una go get am, so dat una joy go full well-well.

1 John 5:15

And if wi know sey E dey hear us, den wi bilive sey wi go get di tins wey wi ask from am.