Psalms 138:8 - Holy Bible Nigerian Pidgin English

⁸ God go fight for mi. My Oga God, yor love wey nor dey fail, go dey forever, so make Yu nor rijet di pipol wey Yu kreate by yorsef.

Psalms 138:8 ပူးပေါင်းရင်းမြစ်များ

Job 10:3

E good as Yu dey opress mi? Yu dey opress wetin Yu make with yor hand. Yu dey happy for wetin wiked pipol dey do?

Job 10:8

“Na di same hand wey Yu take make mi, Yu won take skata mi?

Job 14:15

Den, Yu go koll and I go ansa and Yu go kon like mi wey Yu use yor hand take make.

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Psalms 100:5

Bikos God dey good, en love wey nor dey fail dey forever and E dey good from one generashon go rish anoda.

Psalms 103:17

But God love go dey forever for pipol wey dey fear am. En salvashon go dey for dia shidren-shidren;

Psalms 136:1

Make wi tank God, bikos E dey good and en love wey nor dey fail, dey forever.

Psalms 57:2

I kry to di Most High; di God wey dey supply evritin wey I wont

Psalms 57:3

and E go send help kom from heaven kon save mi, den disgrace doz wey won kill mi. My God go send en goodness and love wey nor dey fail kom.

Isaya 26:12

My God! Na Yu make us dey save and dey prosper and even evritin wey wi get, na Yu give us.

Isaya 42:16

I go lead doz wey nor dey si, pass di road wey dem neva travel pass before. I go turn dia darkness to lite kon make rof road smooth for dem. Dis na wetin I promise and I go do dem; I nor go fail.

Isaya 43:21

Na mi form dis pipol for mysef and dem go sing praiz mi!”

John 15:2

E dey kut evry branches wey nor dey bear fruit for my body komot and e dey ripair evry branch for my body wey dey bear fruit, so dat e go bear more fruit.

Romans 5:10

Wi bi God enemies before, but E don make us en friends thru en Pikin deat. Naw, since wi don bi God friends, E go save us thru di life wey en pikin get.

Filippians 1:6

I dey sure sey, di Pesin wey start dis good work for una life, go make am pafet until di day wen Christ go kom.

1 Tesalonians 5:24

Di Pesin wey koll una to do en work dey faithful.

1 Pita 4:19

So if yu dey sofa as God wont am, make yu trust God wey kreate yu and E nor go ever fail yu.

Jude 1:1

Dis leta na from Jude, Jesus Christ savant and James broda. To di pipol wey God don koll, wey Papa God love don wrap like klot for Jesus Christ body.