Psalms 138:2 - Holy Bible Nigerian Pidgin English

² I bow kon woship Yu for yor holy temple. I dey praiz yor name, bikos of yor faithfulnes and love wey nor dey fail; bikos Yu don make yor promise and e high pass di sky.

Psalms 138:2 ပူးပေါင်းရင်းမြစ်များ

1 Kings 8:15

E sey, “Di Oga wey bi Israel pipol God, make all di praiz bi en own! E don do wetin E promise David my papa, wen E tell am sey,

1 Kings 8:20

And naw, God don keep en promise. I don bi king for Israel afta my papa and I don build di temple where dem go for dey woship di Oga wey bi Israel pipol God.

1 Kings 8:24

Today, Yu don do wetin Yu promise David my papa. Yu don do evry word wey Yu tok.

Psalms 115:1

My God! Nor bi wi get di glory! Nor bi wi, but make all glory bi yor own, bikos of yor faithfulnes and love wey nor dey fail.

Psalms 28:2

Make Yu listin to my prayer for mesi as I dey kry to Yu for help and as I lift up my hand for yor holy temple.

Psalms 5:7

Bikos of yor love wey nor dey die, I go enter yor house kon bow woship Yu for yor holy temple.

Psalms 5:8

My God, make Yu save mi as Yu dey lead mi, bikos my enemies dey korna dey wait to katch mi. Make Yu remove all di problem wey dey di road wey Yu dey take mi pass,

Psalms 56:10

I dey praiz God for wetin E don promise. Yes! I go dey praiz am, bikos of en promise.

Psalms 56:4

I praiz God for wetin E don promise. I trust God, so wetin go make mi dey fear?

Psalms 85:10

Love wey nor dey fail and trut, don join togeda. Raitiousness and peace don kiss each oda.

Psalms 86:15

But Yu, my Oga, Yu bi God wey dey sorry and pity for pipol; Yu nor dey kwik vex and Yu dey show yor faithfulnes and great love wey nor dey fail.

Psalms 99:5

So make una praiz di Oga awa God! Make una bow woship am, bikos E dey holy!

Psalms 99:9

So make wi praiz di Oga awa God! Make wi woship am for en holy hill, bikos di Oga awa God, dey holy!

Isaya 42:21

God wont make dem know how E dey judge thru en raitiousness and how E dey show am.

Isaya 63:7

I go tok about God love wey nor dey fail. I dey praiz am for wetin E don do for us. E don bless Israel pipol well-well, bikos of en mesi and love wey nor dey fade.

Daniel 6:10

Wen Daniel hear wetin happen, e kon go en house. E klimb go one room for up wey en window face Jerusalem. Just as e dey do before, e knee down for di window wey open kom pray give God and e dey do am three times evriday.

Matiu 24:35

Heaven and eart go vanish, but my word go still dey.

Matiu 5:18

I tell una true word, before dis world go end, evritin wey dey inside di Law, even di small-small ones, go happen.

John 1:17

Na thru Moses God give us di law, but God give us favor and trut, thru Jesus Christ.

John 10:35

If dem koll di pipol wey God send en word go meet, sey, ‘Dem bi gods’ and God word nor go ever shange,