Psalms 132:15 - Holy Bible Nigerian Pidgin English

¹⁵ I go bless dis town kon make am prosper. Den I go dey feed di poor pipol wey dey di land.

Psalms 132:15 ပူးပေါင်းရင်းမြစ်များ

Psalms 107:9

Bikos E dey give wota to pipol wey nid am and food to doz wey dey hongry.

Psalms 147:14

E send peace kom una land kon make una chop betta food.

Psalms 22:26

Make doz wey dem dey opress, si food kon chop beleful. Evribody wey dey fine God, go praiz am and dia heart go dey happy with joy wey nor dey end.

Psalms 36:8

Yu dey feed dem from di plenty food wey Yu get for yor own house kon let dem drink from yor wota wey dey give life,

Psalms 37:19

E nor go leave dem wen tins hard and even wen honga dey, dem go get enough food to chop.

Psalms 37:3

Make yu trust God and do wetin dey good, den yu go get peace for di land and yu go prosper.

Exodus 23:25

“If una serve di Oga una God, E go bless una bread and wota kon remove all una sickness.

Isaya 33:16

na-im go dey save like kountry wey dem protet well-well. E go get food and wota to chop and drink.

Jeremaya 31:14

I go give good food to dia priests and my pipol go get evritin wey dem wont. Mi, wey bi God, don tok.”

Haggai 1:6

Una plant many korn, but wetin una harvest, small. Una get food to chop, but e nor dey beleful una. Una get wine to drink, but e nor dey rish una! Even wen una wear many klot, e nor dey make una warm and pipol wey dey work, dia salari nor dey rish dem spend.

Haggai 1:9

“Una dey put mind sey una harvest go plenty, but na small una dey get. Even wen una karry di small food wey una harvest rish house, I go blow dem trowey. Na wetin make mi do like dat? Na bikos my temple skata and all of una dey build fine-fine house for unasef.

Malakai 2:2

Una must honor mi with wetin una dey do, but if una nor gri listin to wetin I dey tok, I go curse una. I go bikos of wetin una do, curse evritin wey una get. True-true, I don already curse una, bikos una nor gri honor mi.

Matiu 5:6

God go bless una wey dey like to do good tins, E go give una evritin wey una wont.

Luke 1:53

E don make doz wey dey hongry beleful with good food and pipol wey get money well-well, E don make dem poor.

Deutronomi 14:29

Make una gi-am to Levi pipol, bikos dem nor get land or propaty among una. Make una still give to di strenjas wey dey stay with una; shidren wey nor get papa and mama and wimen wey dia husband don die, so dat dem go chop beleful. Den di Oga una God go bless una for evritin wey una dey do.