Psalms 125:1 - Holy Bible Nigerian Pidgin English

¹ Pipol wey trust God dey sikure like Mount Zion; nobody go fit bend dem and dem go dey forever.

Psalms 125:1 ပူးပေါင်းရင်းမြစ်များ

1 Kronikles 5:20

Dem ask and pray to God make E help dem and God ansa dia prayers kon make dem win di war.

2 Kronikles 20:20

Di next day for early morning, dem mash go Tekoa Desert. Wen dem don ready to move, Jehoshafat kon stand sey: “Make una listin, una wey bi Judah pipol and doz wey dey stay for Jerusalem! Make una trust di Oga una God and E go save una! Make una trust en profet words and una go win.”

Psalms 120:1

Wen I dey face trobol, I kry to God and E ansa my prayer.

Psalms 121:1

I go look up to di mountin! Where my help from dey kom?

Psalms 122:1

I happy well-well wen dem sey, “Make wi go God house.”

Psalms 123:1

My God wey dey heaven, na Yu I dey depend on.

Psalms 124:1

Make Israel pipol sey, “If to sey Oga God nor dey awa side?”

Psalms 147:11

No! But God dey happy for pipol wey dey fear and obey am; doz wey put dia hope for en love wey nor dey fail.

Psalms 20:8

Doz nashon go fall skata for groun, but wi go raiz kon stand gidigba for groun.

Psalms 25:2

Na only Yu I trust, so make Yu nor let pipol disgrace mi or allow my enemies happy wen I fall.

Psalms 25:8

God dey good and E dey do wetin dey rite; E dey show di rite road to pipol wey dey waka lost.

Psalms 27:1

Na God bi my lite and my salvashon, so na who I go kon dey fear? Na en dey guide and protet mi from danger, so wetin go make mi dey shake?

Psalms 34:22

God go save pipol wey dey serve am and E nor go kondemn anybody wey dey obey am.

Psalms 46:5

Bikos God dey stay di town, e nor go skata. Na from wen day just break, God dey protet am.

Psalms 46:6

Nashons don skata and dia kingdoms dey fall! God shaut like tonda and di eart kon bigin melt!

Psalms 62:2

Na-im bi my Rock and Salvashon; di place where I dey hide put and I nor go fear or shake.

Psalms 62:3

How long una go dey treaten one man? All of una dey kill pipol and una bi like wall wey don break or fence wey get mark wey go soon fall.

Psalms 62:6

Na-im bi my Rock and Salvashon; di place where I dey hide put and I nor go fear or shake.

Psalms 62:7

My viktory and honor dey kom from God. Na-im dey guide mi and na-im bi my Rock, so nobody fit kom attack mi for der.

Proverbs 10:25

Wen heavy breeze dey blow, e go blow wiked pipol trowey, but pipol wey dey tok trut, dey always dey save.

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

Isaya 14:32

How una go take ansa di messenjas wey dey kom meet una from Filistia land? True-true, God don make Zion great and en pipol wey dey sofa, go dey save for der.

Isaya 26:3

Oga God, Yu dey guide and save pipol wey dey faithful, bikos dem trust Yu.

Isaya 26:4

Make wi always dey trust God and E go protet us forever.

Isaya 51:11

Doz wey Yu don save go rish Jerusalem with joy, dem go dey sing and shaut with happiness. Dem go dey happy and dey free from sorrow forever.

Isaya 51:16

I stresh heaven kon make di eart foundashon! I tell Jerusalem, ‘Una bi my pipol! I don tish and protet una with my hand.’ ”

Isaya 51:8

Dem go vanish like klot wey ant chop! But wen I diliver una, e go last forever; my viktory go last forever.”

Isaya 52:1

Jerusalem pipol, make una dey great and strong again! God holy town, make una wear pride like klot! Pipol wey nor know God nor go enter una gate again.

Obadaya 1:21

Doz wey dem save, go-go Mount Zion for Jerusalem kon rule all di mountins for Edom and Oga God go bi dia king!”

Mikah 4:2

Pipol from many nashons go kom and dem go sey, “Make una kom make wi go di Oga mountin wey bi Jakob God house, so dat E go tish us en laws and wi go do evritin just as E wont am.” Nor bi only di pipol for Zion and Jerusalem go hear God word, but oda nashons go hear am too.

Zekaraya 1:14

So di angel kon tell mi, “Make yu go tell evribody wetin God tok, ‘I love and dey koncern about Jerusalem and Zion wey bi my holy town,

Zekaraya 1:17

Di angel still sey: “God go help Jerusalem and make di town prosper again and di town go bi en own.”

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

Revelashon 14:1

Den I si di Lamb stand on-top Mount Zion with 144,000 pipol. Dem rite en name with en Papa name for dia fore head.