Psalms 119:126 - Holy Bible Nigerian Pidgin English

¹²⁶ E don rish time wey God go take akshon, bikos dis wiked pipol dey break en laws.

Psalms 119:126 ပူးပေါင်းရင်းမြစ်များ

Jenesis 22:14

So Abraham koll di place, “Jehovah-Jireh, wey mean (God dey provide).” And till today dem dey sey, “For God mountin, E go provide evritin.”

1 Kings 19:10

E ansa, “My Oga God wey get pawa, na only Yu I dey serve, but Israel pipol don break di kovenant wey dem make with Yu. Dem skata yor altar kon kill all yor profets. Na only mi remain and dem won kill mi too!”

Psalms 102:13

Yu go raiz-up kon sorry for Jerusalem, bikos dis na di time wen Yu go favor am. Yes! Dis na di rite time to help am.

Psalms 102:14

Bikos yor pipol love all di stones wey dey di town wall and di dust wey dey di street.

Psalms 9:19

My Oga God, make Yu raiz-up! Nor let wiked pipol win! Make Yu kom judge di nashons.

Isaya 42:14

God sey, “I kwayet since and I nor ansa my pipol, but di time to tok, don rish. Just as woman wey won born dey shaut, na so too I dey shaut naw.

Jeremaya 8:8

How una go sey, ‘Wi wise well-well and wi know God law, wen e bi sey, doz wey dey tish di law, don shange wetin e really mean?’

Habakkuk 1:4

Bikos of dis, di law dey weak and yuzles and doz wey dey judge, nor dey judge well at-all. Wiked men dey opress good pipol; dem don turn betta judgement up-side-down.

Malakai 2:8

But una wey bi priest don turn komot from di korrect road. Wetin una dey tish naw, don make many pipol dey sin. Una don break di kovenant wey I make with una.

Matiu 15:6

den e nor nid to respet en papa again.’ Bikos of una tradishon, una don make God word yeye.

Romans 3:31

So make wi trowey di law bikos of faith? No way! E nor go work! Instead, wi go make di law strong well-well.

Romans 4:14

If God promise na for only doz wey dey obey di law, den faith nor mean anytin and God promise go dey yuzles.

Deutronomi 32:36

God go judge en pipol and E go shange en plan about en savant; wen E si sey dia pawa don vanish and nobody remain again, weda na slave or free pesin.