Psalms 119:114 - Holy Bible Nigerian Pidgin English

¹¹⁴ Na Yu bi my proteshon and guide and na yor word dey give mi hope.

Psalms 119:114 ပူးပေါင်းရင်းမြစ်များ

Psalms 119:43

Make Yu nor take yor word komot from my mout, bikos na yor law dey give mi hope!

Psalms 119:74

Make pipol wey dey fear Yu, dey happy wen dem si wetin Yu do for mi, bikos I don put my hope for yor word.

Psalms 119:81

I taya as I dey wait make Yu save mi, but I don put my hope for yor word.

Psalms 3:3

But Yu, my God, na Yu bi di wall wey dey protet mi; na Yu bi my glory and di pesin wey make mi dey alive.

Psalms 3:4

Wen I kry to God for help, E ansa mi from en holy hill.

Psalms 32:7

Na God bi di place where I dey hide put and E dey protet mi from trobol. God surround mi with song and happiness from doz wey E diliver.

Psalms 84:11

Oga God na awa sun and naim dey protet us. God dey give us grace and glory and E go always dey good to doz wey dey do good.

Isaya 32:2

Dem go bi like house wey pesin hide put bikos of heavy rain. Dem go bi like wota wey dey rush for desert; like big rock wey en shadow kover empty land.