Psalms 118:17 - Holy Bible Nigerian Pidgin English

¹⁷ So I nor go die, instead I go live to tok about all di wonderful tins wey God don do.

Psalms 118:17 ပူးပေါင်းရင်းမြစ်များ

Psalms 107:22

Make dem tank am with sakrifice kon sing about di tins wey E do.

Psalms 119:13

I dey shaut and tok about all di kommands wey Yu give us.

Psalms 145:4

Make evribody tell dia shidren-shidren about God mighty pawa; make dem tok about evritin wey Yu don do.

Psalms 40:10

All di good tins wey Yu do, I nor keep dem for my heart; but I don tok about as Yu dey faithful and yor pawa wey dey save pipol.

Psalms 40:5

My Oga God, Yu don do wonderful tins for us. Wetin Yu plan for us too many to kount. Nobody bi like Yu. If I start to kount all di wonderful tins wey Yu don do, I nor go fit kount dem finish.

Psalms 6:5

Pesin wey don die, nor dey remember Yu. Na who go fit praiz Yu from inside grave?

Psalms 73:28

But for mi, si as e good to dey near God! I don make di God wey get pawa my guide and I go tell evribody about di wonderful tins wey E don do.

Jeremaya 51:10

God sey, “My pipol, make una shaut sey: ‘God don show sey wi dey do di rite tin. So make wi go tell doz wey dey Jerusalem wetin God do for us.’

Habakkuk 1:12

My Oga God, di Pesin wey dey holy, Yu wey dey since and go always dey. Oga God wey bi awa Rock, Yu nor dey plan to kill us finish, Yu only send Babilon pipol to kom korrect and ponish us bikos of awa sin.

John 11:4

Wen Jesus hear di message, e kon sey, “Dis sickness nor go kill Lazarus. E go make God and en pikin get honor.”