Psalms 116:6 - Holy Bible Nigerian Pidgin English

⁶ God dey protet pipol wey dia faith neva too strong and even wen I dey face deat, E kom save mi!

Psalms 116:6 ပူးပေါင်းရင်းမြစ်များ

Psalms 106:43

Even doh God save dem many-many times, dem still choose to sin against am and dia sin kon finally distroy dem.

Psalms 142:6

Make Yu hear my prayers, bikos I don taya. Make Yu save mi from pipol wey dey opress mi, bikos dem too strong for mi.

Psalms 19:7

God laws dey korrect and e dey save life. Di laws wey God give us na trut and dem dey give wisdom to pipol wey ready to learn.

Psalms 25:21

As I dey loyal and honest rish, Yu dey protet mi, bikos na Yu bi my hope.

Psalms 79:8

Make Yu nor kount awa grand-grand papa dem sin against us and bikos Yu dey sorry for pipol, make Yu kwik-kwik kom ansa us, bikos e remain small make wi die finish.

Isaya 35:8

One fine road go dey der and dem go koll am, “Holiness Road.” No sina go travel pass dat road and foolish pipol nor go fit deceive doz wey dey waka pass der.

Matiu 11:25

For dat time, Jesus kon sey, “I praiz yu Papa, Oga God wey get heaven and eart, bikos yu hide dis tins from pipol wey get sense and doz wey know book well-well, but yu show dem to small shidren.

Romans 16:19

I dey happy, bikos evribody don know how una dey obey God. But I wont make una dey wise wen e rish matter wey koncern wetin dey good or bad. Make una nor do any bad tin.

2 Korintians 1:12

Wi dey happy, bikos wi know sey di way wi dey live awa life for dis world and how wi dey bihave with una, dey show sey na God send us thru en pawa, nor bi human being own.

2 Korintians 11:3

But I dey fear sey, just as di snake deceive Eve with en wayo, una mind fit spoil komot for di true and di way wey una dey follow Christ.

Kolossians 3:22

Una wey bi savants, make una obey una mastas (dey do wetin dem tok) for evritin and nor bi only wen dem dey look una. Make una nor dey do like pipol wey wont make dem praiz dem, but make una dey obey with betta mind, bikos una dey fear God.