Psalms 111:10 - Holy Bible Nigerian Pidgin English

¹⁰ Na to obey God bi di rite way to get sense and evribody wey dey do wetin E tok, dey get sense and do well. So make praiz bi en own forever and ever.

Psalms 111:10 ပူးပေါင်းရင်းမြစ်များ

Job 28:28

God tell human being, ‘Before una go get sense, una must woship mi. Una go turn live bad tins, before una go fit get undastandin.’ ”

Psalms 1:3

E bi like tree wey dem plant near wota; wey dey bear fruit for di korrect time and en leaf nor dey dry. E dey prosper for anytin wey e do.

Psalms 145:2

I go praiz Yu evriday. Yes! I go praiz Yu forever.

Proverbs 1:7

For yu to get wisdom, yu most fear God, but na only foolish pipol dey rijet wisdom and good advise.

Proverbs 3:4

If yu do like dat, both God and human being go dey happy and favor yu.

Proverbs 9:10

If yu won get wisdom, yu go first fear God. If yu know di One wey dey holy, den yu don get undastandin.

Ekklesiastes 12:13

So, since yu don hear evritin, dis na my last advise: “Make yu fear God and obey all en kommands, bikos na wetin man suppose do, bi dat.”

Levitikus 19:14

Make una nor curse anybody wey nor dey hear or set trap for blind pesin. Una must fear una God; bikos na mi bi God.

Matiu 25:21

“En oga kon tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kom enjoy with mi!’

Matiu 25:23

“En oga tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kon enjoy with mi!’

John 12:43

Bikos Jew pipol like make pipol dey praiz dem pass wetin God tink about dem.

John 13:17

Since una know wetin I dey tok, God go bless una, if una do dem.

John 5:44

How una go fit bilive wen una dey praiz each oda and una nor kare for di praiz wey only God fit give.

Romans 2:29

but di really Jew na pesin wey bi Jew for inside en heart, bikos sekonsishon nor dey tosh pesin heart. Na di Holy Spirit dey do dis kind work, nor bi di law wey dem rite down and dat pesin go dey receive praiz from God, even doh human being nor praiz am.

Romans 2:7

God go give life wey nor dey end to di pipol wey dey do good, wey wont glory, honor and long life.

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

2 Korintians 4:17

Bikos di small trobol wey wi dey face naw, go bring glory wey big well-well, wey go last forever and wey betta pass anytin for dis world.

Deutronomi 4:6

So make una dey sure sey una dey do dem, bikos dis tins go show how una get sense rish among di pipol wey go hear am and dem go sey, “True-true, dis great kountry get pipol wey wise well-well.”

1 Pita 1:7

Dis kind sofa go show sey una faith na really one. Gold wey go spoil one day, dem still dey test am for fire, tok-less of una faith wey get value pass gold and e go bring praiz, glory and honor wen Jesus Christ go kom.

Revelashon 22:14

God don bless doz wey wosh dia klot klean, so dem go get authority to chop from di tree wey dey give life and dem go fit pass di gate enter di town.