Psalms 110:6 - Holy Bible Nigerian Pidgin English

⁶ E go ponish di nashons and dead body go full dia land. Yes! E go kut pipol head full di whole world.

Psalms 110:6 ပူးပေါင်းရင်းမြစ်များ

Jenesis 3:15

I go make yu hate woman and yor pikin go still hate pikin wey woman born. Pikin wey woman born go mash yor head and yu go bite dia leg.”

Psalms 68:21

True-true, God dey nak en enemies head; E dey nak doz wey dey always do wiked tins.

Psalms 68:22

God sey, “I go koll dem back from Bashan, I go bring dem kom back from under di sea,

Isaya 11:3

E go always dey happy to obey God. E nor go judge pipol anyhow or with wetin dem tell am.

Isaya 2:4

E go judge and setol kworel among nashons. E go setol many pipol kase. Dem go turn dia swod to ordinary blade kon use dia spear dey work for vineyard. Den, no nashon go fight against anoda nashon and dem nor go train pipol to fight war again.

Isaya 42:1

God sey, “Na my savant wey I give pawa bi dis; di pesin wey I choose and I dey happy with am. I don put my Spirit inside am and e go judge di nashons well.

Isaya 42:4

E nor go luz hope or start to fear. E go bring betta judgement kom evriwhere for di world and pipol for far-far land, dey wait make E kom tish dem.”

Isaya 51:5

I go kom save dem kwik-kwik, bikos my time to win, don near. Mi mysef go rule all di nashons. Di lands wey dey far dey wait make I kom; dem dey wait with hope make I kon save dem.

Isaya 66:24

All doz wey bin fight mi, dem go si dia dead body for road. Di worms wey chop dem nor go ever die and dem nor go ever kwensh di fire wey go burn dem. Dia dead body nor go dey good for human being to si.”

Ezekiel 39:4

Gog, en sojas and all di pipol wey dey stay with am go die finish for Israel mountin and I go let bird and wiked animals chop dia body.

Mikah 4:3

God go judge many pipol kon setol di kworel wey strong nashons get. Den dem go dey use dia swod and spears take dey work for farm. Pipol from difren kountry nor go fight each oda again or train dia pipol to go fight war.

Habakkuk 3:13

Yu go save yor pipol and di king wey Yu choose. Na Yu kill di pesin wey dey lead wiked pipol kon distroy doz wey dey follow am.

John 5:22

Di Papa nor dey judge anybody, but e don give en pikin pawa to judge evribody,

Revelashon 14:20

Den, dem press di grapes for outside di town and blood rush kom out from di place where dem dey press dem. Di blood high rish five fit and e nearly rush rish two hundred mile.

Revelashon 19:11

Den I si heaven open and one white horse dey kom out! Dem dey koll di Pesin wey dey ride di horse, “Faithfulnes and Trut.” E dey judge without parsha or wayo even as E dey go fight war.

1 Samuel 2:10

God go skata en enemies; E go skata dem with tonda from heaven. God dey judge di world from biginnin go rish di end. E go give en king pawa kon honor di one wey E anoint.”