Psalms 106:8 - Holy Bible Nigerian Pidgin English

⁸ But God still save dem, just to defend di honor for en name and to show en mighty pawa.

Psalms 106:8 ပူးပေါင်းရင်းမြစ်များ

Psalms 111:6

E don show en pipol en great pawa wen E give dem oda nashons land.

Psalms 143:11

My God, make Yu save mi, bikos of di glory wey dey yor name. Save mi from dis wahala, bikos of yor faithfulnes.

Psalms 23:3

E dey make mi strong. E dey guide and take mi pass di rite road, so dat pipol go honor en name.

Exodus 15:6

My Oga God, yor rite hand get betta pawa and e skata di enemies to pieces.

Exodus 18:8

Moses tell en wife papa evritin wey God do to Fero and Egypt pipol, bikos of Israel pipol; di tins wey dem sofa for road and how God take save dem.

Exodus 9:16

Dis na di rizin why I neva kill yu. I just won show yu my pawa, so dat pipol go praiz my name for evriwhere for di eart.

Isaya 48:9

But bikos of my name, I nor gri ponish una; bikos of my praiz, I nor gri distroy una at-all.

Jeremaya 14:21

Make Yu remember yor promise and nor hate us. Nor disgrace Jerusalem, di place wey yor throne wey get glory, dey. Abeg, make Yu nor break di kovenant wey Yu make with us.

Jeremaya 14:7

Den I ansa, “My God, even doh awa sins dey tok against us, make Yu kom save us bikos of di honor for yor name. True-true, wi don turn from Yu many times and sin against Yu.

Ezekiel 20:14

But I nor distroy dem since dat one fit stop pipol to obey mi, bikos some kountry don si and hear as I take-take Israel pipol komot from Egypt.

Ezekiel 20:22

but I nor distroy dem since dat one fit stop pipol to obey mi, bikos some kountry don si and hear as I take-take Israel pipol komot from Egypt.

Ezekiel 20:44

Dat time, bikos of who I bi, I nor go ponish una as e suppose bi, den una wey bi Israel pipol go know sey na mi bi God.” God wey get pawa don tok.

Ezekiel 20:9

But I nor do am, bikos I nor won disgrace my name. I nor go spoil my name give doz nashons wey si mi wen I dey take my pipol komot Egypt

Romans 9:17

God tell Fero for en word sey, “I make yu king, so dat I go use yu show my pawa and pipol go fear my name for di whole world.”

Joshua 4:24

E do am make all di kountry for eart know sey na God get all di pawa, so una must always obey di Oga wey bi una God.”

Joshua 7:9

Wen Kanaan pipol and evribody wey dey stay di land go hear wetin happen so, all of dem go kom distroy us and nobody go remember us. My Oga God, wetin Yu go do to keep yor respet?”

1 Samuel 12:22

God nor go leave en pipol, bikos E don make promise with una grand-grand papa. God happy to make una en own pipol.