Psalms 104:14 - Holy Bible Nigerian Pidgin English

¹⁴ Yu dey make grass grow for animals to chop kon provide plant for human being to use. Yu allow us produce food from di eart;

Psalms 104:14 ပူးပေါင်းရင်းမြစ်များ

Jenesis 2:5

For dis time, nor-tin don ever grow for di eart, bikos Oga God neva let rain fall and nobody dey wey go klear di groun or plant put.

Jenesis 2:9

God kon make difren trees make dem grow for di soil and dem dey good for food. (Naw, di tree wey get life, wey dey make pesin know tins well-well; wey dey good and bad, dey for di gardin centre.)

Jenesis 3:18

E go dey bring out grass for yu, but na di korn from di groun na-im yu nid as food.

Jenesis 4:12

Wen ever yu try to plant seed for di groun, e nor go grow well for yu. Yu go dey waka anyhow for dis eart without house.”

Jenesis 9:3

Una fit chop anytin wey still dey waka. As I give una di green plant, na so too I don give una evritin.

1 Kings 18:5

King Ahab tell Obadaya, “Make yu go all di land; pass thru di wota and di valley kon shek weda yu go si any aria wey grass dey, so dat di animals go-go chop for der, make dem nor for die.”

Job 28:5

Even doh food dey kom from di eart, evriwhere under di eart, don skata like wetin fire burn.

Job 38:27

Who dey wet di dry land with wota, so dat di grass go grow?

Psalms 136:25

Di Pesin wey dey give food to evritin wey get life, bikos en love wey nor dey fail, dey forever.

Proverbs 27:25

Wen grass die, new ones go appear and di plants for mountins go grow again,

Joel 2:22

Make una animals nor fear. Di field go get grass; di trees go bear dia fruit and fig and grapes go plenty well-well again.

1 Korintians 3:7

Pesin wey plant and di one wey wota, nor mean anytin, bikos na God dey make di seed grow.

Deutronomi 11:15

E go give una animals plenty grass for di land and una go chop beleful.