Proverbs 6:23 - Holy Bible Nigerian Pidgin English

²³ Wetin dem sey make yu do, bi like lite and dia korreshon go fit tish yu how to live yor life.

Proverbs 6:23 ပူးပေါင်းရင်းမြစ်များ

Jenesis 39:8

But Josef nor gri and e sey, “Si, bikos of mi, my oga nor even dey borda shek anytin for di house again and e don make mi dey kontrol evritin wey e get.

Psalms 119:105

Yor word na lantan wey dey guide my leg and lite wey dey make mi si road.

Psalms 119:130

Di tishing for yor word dey give lite, so even pipol wey nor go skool dey undastand am.

Psalms 141:5

Make pipol wey dey fear God beat and korrect mi with love! Make my head nor rijet good oil! True-true, even with all dia wiked plans, my prayers dey make dem fear.

Psalms 19:8

God kommands dey rite and e dey put joy for pesin heart. En kommands dey klear and e dey give pesin hope to stay for dis world.

Proverbs 10:17

Pipol wey dey listin if dem korrect dem go get long life, but doz wey nor dey gri sey dem dey wrong, dey waka lost.

Proverbs 15:24

Wise pipol dey waka for di road wey dey lead to life and nor bi di one wey go take dem go grave.

Proverbs 15:31

If yu listin well wen pipol dey korrect yu, yu go dey wise and get sense.

Proverbs 29:15

To dey beat and korrect shidren, good well-well, bikos if dem dey do anytin wey dem like, dem go make shame katch dia mama.

Proverbs 3:18

Wisdom na tree wey dey give life and e dey make pipol wey kom meet am, happy.

Proverbs 4:13

Make yu always remember evritin wey yu don learn, bikos na wetin yu learn go give yu good life, so make yu guide am well-well.

Proverbs 4:4

my papa go tell mi, “Make yu always remember wetin I tish yu. Do wetin I tok and yu go get long life.

Proverbs 5:12

Den yu go sey, “Why I nor follow wetin dem tish mi? Why I nor let dem korrect mi?

Ekklesiastes 7:26

I still si sey, woman wey wont make man sleep with am, dey set trap for am and dis one dey wiked and bad pass deat. Pipol wey dey obey God, go fit eskape am, but doz wey dey sin, go enter di trap.

Ekklesiastes 7:5

E betta make wise pesin korrect yu dan make fool praiz yu.

Isaya 8:20

Den make una remember God kommand and evritin wey di profets sey go happen. True-true, all di pipol wey dey si vishon, dey tok all dis tins, bikos dia mind dey dark.

Jeremaya 21:8

God still sey make I tell di pipol, “Make una listin! Mi wey bi God, dey give una shance to choose between dis two tins: ‘Di way wey dey lead to life or di one wey dey lead to deat.’

Ezekiel 20:11

“I give dem my kommand kon tell dem my laws wey dey give life to doz wey obey am.

Levitikus 19:17

Make una nor keep malice with anybody, but make una setol una kworel with dat pesin, so dat una nor go sin, bikos of dat pesin.

2 Pita 1:19

Afta dat one, wi bilive wetin di profets prish. Una go do well if una hear and follow di lite wey dey shine for darkness and wen day break, di star wey dey kom for morning, go shine for una heart.

Revelashon 2:5

So, make yu remember where yu from fall and turn from sin kom meet God, den bigin do di tins wey yu first dey do. If yu nor gri turn from sin kom meet God, I go remove yor lampstand from where e dey.