Proverbs 5:22 - Holy Bible Nigerian Pidgin English

²² Wiked man sins na trap, bikos na en own sin net, go katch.

Proverbs 5:22 ပူးပေါင်းရင်းမြစ်များ

1 Kings 18:18

Elijah ansa, “I nor bring wahala kom Israel. But na yu and yor papa family bring wahala as una abandon God kommand kon follow Baal.

Estha 9:25

But Estha go meet di king and di king give orda make Haman use en own head karry di wiked plan wey e make. So dem kon hang Haman and en sons.

Job 18:8

Wiked pipol go waka enter net and e go katch dia leg.

Psalms 40:12

Trobol gada round mi and I nor fit kount dem! My sins don many well-well and I nor sure sey I go fit dey free from dem! Dem many pass di hair wey dey my head and I don lost all my hope.

Psalms 9:15

Wiked pipol don fall enter di pit wey dem dig for odas. Di trap wey dem set, don katch dia own leg.

Psalms 9:17

Wiked pipol go die enter grave. Dis na wetin go happen to all di pipol wey rijet God.

Proverbs 1:18

But pipol wey dey do like dat, dey set trap for demsef and na di trap go kill dem.

Proverbs 11:3

Na trut dey guide yu if yu dey good; but pipol wey dem nor fit trust, na dia own wayo dey distroy dem.

Proverbs 11:5

Pesin wey dey good dey always do good tins, but if yu dey do wiked tins, na yor own sin go distroy yu.

Proverbs 11:6

Raitiousness dey save doz wey dey tok trut, but doz wey dem nor fit trust, na dia own bad plans, dey kill dem.

Proverbs 12:14

Wise word get gain and hard work dey bring reward.

Proverbs 14:32

Na trobol dey distroy wiked pipol, but doz wey dey fear God, go get life afta dem don die.

Proverbs 18:7

Foolish pesin word dey distroy am; na en own mout dey put am for trobol.

Proverbs 24:12

If yu fit sey e nor koncern yu, God know and dey judge evritin wey yu dey do. E dey look yu and E know yu well-well. E go reward yu akordin to wetin yu do.

Proverbs 26:27

So, anybody wey dig pit for pesin go fall inside my ensef and pesin wey roll stone to wound odas, na di stone go fall kill-am.

Ekklesiastes 7:26

I still si sey, woman wey wont make man sleep with am, dey set trap for am and dis one dey wiked and bad pass deat. Pipol wey dey obey God, go fit eskape am, but doz wey dey sin, go enter di trap.

Jeremaya 2:19

Na di wiked tins wey una do go ponish and kondemn una, bikos una turn from mi. So, una go learn as e betta and wiked rish nor to dey fear mi or forget mi wey bi di Oga una God.” Mi, wey bi God, don tok.

Lamentashons 1:14

E know all my sins; so E put dem togeda kon hang and tie dem round my neck. I weak well-well, bikos my sins too heavy. God don make my enemies strong pass mi and I nor fit do dem anytin.

Obadaya 1:15

“God Judgement dey kom for all di nashons! Just as una do to Israel, na so too dem go do una. All una evil works go fall for una own head.

Nombas 32:23

“But if una nor do wetin una promise, I dey warn una, bikos na sin una don kommit against God bi dat. Make una nor konfuse unasef; bikos una go must get di ponishment for una sin.

Hibru 13:4

Make evribody respet marriage: una must make sure sey una nor sleep with who nor bi una husband or wife, bikos God go judge pipol wey dey sleep with who dem nor marry and pipol wey don marry, wey dey sleep with oda pipol.

Judges 20:41

Israel sojas kon bigin attack dem. Naw, Benjamin sojas kon dey fear, bikos dem know sey, dem don die finish.

Judges 9:57

God still pay Shekem pipol back for di bad-bad tins wey dem do. And di curse wey Jotam, Jerub-Baal (wey bi Gideon) pikin curse dem, really follow dem.