Proverbs 5:21 - Holy Bible Nigerian Pidgin English

²¹ God dey si evritin wey yu dey do and E know evriwhere wey yu dey go.

Proverbs 5:21 ပူးပေါင်းရင်းမြစ်များ

2 Kronikles 16:9

E klear sey na God dey wosh di whole world and E dey ready to give pawa to doz wey trust am. Yu nor use sense for dis matter, so from naw go, na so-so war yu go dey fight.”

Job 14:16

“Naw, bikos na Yu dey kount my steps, Yu nor go kount my sins again.

Job 24:23

God fit let dem stay for peace, but en eye nor go komot for dia body at-all.

Job 31:4

God know evritin wey I dey do; E dey si evry step wey I dey take.

Job 34:21

God dey si evritin wey wi dey do. E dey si evry step wey wi take.

Psalms 11:4

But God dey for en holy temple; E dey rule from heaven. E dey look as evribody dey live dia life for dis eart.

Psalms 119:168

Yes, I dey obey yor kommandment and yor laws, bikos Yu know evritin wey I dey do.

Psalms 17:3

Na nite wen I dey sleep Yu take test my mind kon shek my heart. Yu don shek mi kon si sey I nor dey wrong. I don sey I nor go sin with wetin I dey tok or do.

Proverbs 15:3

God dey wosh evriwhere, E dey wosh both good and wiked pipol.

Proverbs 4:26

Anytin wey yu won do, make yu plan am well, den evritin wey yu do go dey okay.

Proverbs 5:6

Di woman nor dey tink about di road wey dey save; e dey waka lost but e nor know.

Jeremaya 16:17

Bikos I dey si evritin wey dem dey do; dia wikedness nor hide from mi and e nor get where dem hide dia sin put wey I nor go si am.

Jeremaya 17:10

Na mi wey bi God dey si and test human being heart. I dey trit each pesin akordin to how e dey live en life and wetin e dey do.

Jeremaya 23:24

E nor get where pesin go hide put make I for nor si am. Yu nor know sey I dey evriwhere for di heavens and di eart?

Jeremaya 29:23

Dis na wetin go happen to dem, bikos dem sin: dem sleep with dia neighbour wife kon lie with God name. God nor like all dis tins. E know wetin dem don do and wetin dem do dey stand against dem.” Dis na wetin God tok.

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

Hosea 7:2

Dem nor know sey, I remember all di bad-bad tins wey dem do. Dia sin plenty well-well and I dey si all di wiked tins wey dem dey do.

Hibru 4:13

Nor-tin wey God kreate fit hide from am and evritin dey naked to God, bikos wi go must tell am how wi live awa life.

Revelashon 2:18

“Make yu rite di tins wey I won tell yu naw, go give di angel for di church wey dey Tiatira: ‘Dis message na from God Pikin wey en eye red like fire wey dey burn well-well and en legs bi like bronze wey dem polish:

Revelashon 2:23

I go kill all en shidren, den all di church pipol go know sey, I know wetin dey for pipol mind and heart. I go reward evribody akordin to wetin e do.