Proverbs 3:6 - Holy Bible Nigerian Pidgin English

⁶ Always dey remember God kommand for anytin wey yu dey do, den E go show yu di korrect way.

Proverbs 3:6 ပူးပေါင်းရင်းမြစ်များ

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

Ezra 7:27

Ezra kon sey, Make wi praiz di Oga, wey bi awa grand-grand papa dem God! Na-im make di king honor God Temple for Jerusalem like dis.

Nehemaya 1:11

Make Yu listin to di prayers wey mi and yor savants wey dey honor Yu, dey pray. Make Yu help mi today, so dat di king go sorry for mi.” For dat time, na mi dey serve di king wine.

Nehemaya 2:4

Den di king ask, “Na wetin yu wont naw?” So I kwik-kwik pray to God wey dey heaven,

Nehemaya 7:5

God put am for my heart sey make I koll all di pipol, dia leaders and ofisas togeda kon shek dia family rekord. I si di first set wey kom back from Babilon and dis na dia rekord:

Psalms 32:8

God sey, “I go guide and take yu pass di best road for life. I go advise and wosh ova yu.

Proverbs 11:5

Pesin wey dey good dey always do good tins, but if yu dey do wiked tins, na yor own sin go distroy yu.

Proverbs 16:3

If yu tell God make E bless evritin wey yu plan to do, yu go susid.

Proverbs 16:9

Pesin fit make en own plan, but na God dey direct anytin wey e go do.

Proverbs 23:17

Make yu nor jealous sinnas, but make to dey fear God, bi di only tin wey koncern yu for dis life.

Isaya 26:7

Raitious pipol dey live korrect and good life and dia ways dey-dey strait.

Isaya 30:21

Una go hear one vois dey tok from una back sey, “Na di korrect way bi dis, make una waka pass der,” weda una dey waka go rite or left.

Isaya 45:13

I go make Cyrus take akshon, I go make all en road strait. E go ribuild my town kon free my pipol wey dem karry go anoda land and nobody go pay or bribe am.” Dis na wetin God tok.

Isaya 48:17

God wey save una, di Pesin wey dey holy for Israel, dis na wetin E tok: ‘Na mi bi di Oga una God, di Pesin wey dey tish una wetin dey good. Di One wey dey show una di road wey una go follow.

Jeremaya 10:23

My Oga God, wi know sey pipol nor fit kontrol dia own destini and dem nor get di pawa to know wetin go happen to dem.

Jeremaya 42:3

Make yu pray make di Oga awa God show us where wi go-go and wetin wi go do.”

Nombas 9:20

Wen di kloud dey for di Tabanako for some days, dem go dey dia kamp, just as God kommand dem.

1 Korintians 10:31

But anytin wey una dey do, weda una dey chop or drink, make una do am to honor God.

2 Korintians 8:16

Wi tank God wey give Titus di kind mind wey I get to help una.

Filippians 4:6

Make una nor let anytin worry una for mind. Instead, for evry kondishon wey una dey face, make una ask God thru prayer for evritin wey una nid and make una always dey tank am, as una dey pray.

Kolossians 3:17

For anytin wey una dey do, weda una dey tok or do oda tins, make una do am with awa Oga God Jesus Christ name and tank God thru am.

Kolossians 3:23

Anytin wey una dey do, make una do am with all una body, like sey una dey do am for Christ and nor bi for pipol,

James 1:5

But if anybody nid wisdom, make e ask God wey dey gi-am to evribody. E nor go sey, “No,” but E go give yu.

1 Samuel 30:8

So David ask God, “Make wi porshu dem? Wi go katch dem?” God ansa, “Make una porshu dem, una go true-true katch dem kon diliver una wifes and shidren.”