Proverbs 29:15 - Holy Bible Nigerian Pidgin English

¹⁵ To dey beat and korrect shidren, good well-well, bikos if dem dey do anytin wey dem like, dem go make shame katch dia mama.

Proverbs 29:15 ပူးပေါင်းရင်းမြစ်များ

1 Kings 1:6

(David neva even ask or korrect am wons sey, “Wetin make yu dey bihave like dis?” Adonijah na very fine man too and naim dem born follow Absalom.)

Proverbs 10:1

Dis na di wise words wey Solomon tok: Shidren wey wise dey make dia papa proud, but fools dey kause pain for dia mama.

Proverbs 10:5

Pesin wey get sense dey plok en fruit for di rite time; but na disgrace for pesin to dey sleep for harvest time.

Proverbs 13:24

Doz wey nor dey korrect dia shidren, hate dem. But doz wey love dia shidren, dey always korrect dem with love.

Proverbs 17:21

Papa and mama wey dia shidren dey do like fool, na only sadnes and pain dem dey feel.

Proverbs 17:25

Foolish shidren dey kause pain for dia papa and dia mama go dey regret.

Proverbs 19:18

Train yor pikin well wen dem still dey yong to learn; if yu nor do like dat, yu dey help dem distroy dia life.

Proverbs 22:15

Shidren nor dey know sey di way dem dey bihave nor good, but betta korreshon go tish dem how to bihave well.

Proverbs 22:6

Make yu tish yor pikin how e go take live en life and wen e don old, e go still dey do di same tin.

Proverbs 29:17

Korrect yor shidren and yu go dey proud of dem, bikos dem nor go make yu shame at-all.

Proverbs 29:21

If yu give yor savant evritin wey dem wont from small kom, one day, dem go take evritin wey yu get.