Proverbs 29:14 - Holy Bible Nigerian Pidgin English

¹⁴ If king dey defend poor pipol, e go rule tey well-well.

Proverbs 29:14 ပူးပေါင်းရင်းမြစ်များ

Psalms 89:2

Yor love wey nor dey fail go last forever. Yor goodness dey forever like di heavens.

Proverbs 16:12

Make kings nor like wiked tins, bikos na korrect judgement dey make govment strong.

Proverbs 20:28

Love wey nor dey fail and goodness dey protet di king and na dis love dey make en throne dey forever.

Proverbs 25:5

Nor let bad advisers near di king, so dat pipol go know am bikos e dey judge well.

Proverbs 28:16

Ruler wey nor get betta sense, go rule with wikedness. But pesin wey nor like lie, go rule tey.

Proverbs 29:4

With betta judgement, king dey make en kingdom strong, but king wey like money well-well, dey skata en throne.

Isaya 1:17

Make una learn to do good; make una make sure sey una dey judge well; make una help doz wey dem dey opress. Pipol wey nor get papa and mama, make una give dem wetin dem wont and make una help wimen wey dia husband don die.”

Isaya 11:4

E go judge evribody akordin to wetin dem do kon defend doz wey nobody dey help. E go ponish wiked pipol and doz wey dey do bad tins, go die.

Jeremaya 22:16

E judge poor pipol well and evritin go well with am, den God kon sey, ‘Dat na betta ezample to show sey yu know mi.’

Jeremaya 5:28

Dem don fat and dey chop betta food. Dem nor know wen to stop all di bad tins wey dem dey do. Dem nor dey give doz wey nor get papa dia rite or give betta judgement to doz wey dem dey opress.

Daniel 4:27

So, my king! Make yu follow my advise. Make yu turn from sin kom meet God; dey do good and sorry for poor pipol. Den yu go kontinue to prosper.”