Proverbs 29:1 - Holy Bible Nigerian Pidgin English

¹ If yu nor dey gri take korreshon, one day yu go fall and yu nor go fit stand again.

Proverbs 29:1 ပူးပေါင်းရင်းမြစ်များ

1 Kings 17:1

E get one profet, en name na Elijah and e kom from Tishbe for Gilead. E go tell King Ahab, “As long as di Oga wey bi Israel God (wey I dey serve) dey alive, dew or rain nor go fall for some years, unless I kommand sey, make rain fall.”

1 Kings 18:18

Elijah ansa, “I nor bring wahala kom Israel. But na yu and yor papa family bring wahala as una abandon God kommand kon follow Baal.

1 Kings 20:42

Di profet kon tell di king, “Dis na wetin God sey make I tell yu, ‘Bikos yu let di man wey I sey make dem kill eskape, yu go use yor life pay for en own and dem go distroy yor sojas, bikos dem let en sojas eskape.’ ”

1 Kings 22:28

Mikaya ansa, “If yu kom back alive, den God nor tok thru mi!” E still sey, “Make all of una hear wetin I tok so o-o!”

2 Kronikles 25:16

As e dey tok, King Amazaya kon tell am, “Na who choose yu to advise di king? Make yu stop to profesai or dem go kill yu trowey!” Di profet stop kon sey, “I know sey God one distroy yu, bikos of dis tins wey yu do and yu nor gri listin to my advise.”

2 Kronikles 33:10

Even as God warn Manasseh and en pipol rish, dem nor gri listin.

2 Kronikles 36:13

King Zedekaya attack King Nebukadnezzar wey don make am swear with God name sey e go dey loyal to am. King Zedekaya sturbon well-well and e nor gri turn from sin kom meet di Oga wey bi Israel God.

Nehemaya 9:29

Yu warn dem sey make dem obey wetin Yu tish, but dem rijet yor law bikos of pride and even doh yor law dey give life, dem nor gri obey am, bikos of dia strong head and sturbones.

Job 9:4

God too get sense and en pawa dey mighty; nobody fit stand against am.

Exodus 9:7

Fero kon send pipol go find out and true-true, Israel pipol animal nor die. With all dis tins wey dey happen so, Fero heart still strong and e nor gri free di pipol.

Proverbs 28:14

If yu always dey obey God, happiness go follow yu, but yu go distroy yor life if yu dey sturbon.

Proverbs 28:18

Dey always tok trut and e go save yu, but if yu dey play wayo, na wons yu go fall.

Proverbs 28:28

Pipol dey hide wen wiked pesin dey rule, but wen e nor dey again, raitious pipol go prosper.

Proverbs 6:15

Bikos of dis, dem nor go know before wahala go kom meet and distroy dem finish.

Isaya 28:22

So make una nor laf as I dey warn una, if not, e go hard una well-well to eskape. Bikos I hear wen God wey get pawa sey E go distroy di whole kountry.

Isaya 48:4

Bikos I know how una sturbon rish; una neck strong like iron and una head bi like bronze.

Jeremaya 14:19

Den I sey, “My God, Yu don forget Judah pipol? Na so Yu hate Zion town? Wetin make Yu dey do us like dis, sotey wi nor dey okay again? Wi dey hope for peace, but na wahala wi dey si. Wi dey bilive sey wi go well, instead na trobol dey follow us.

Jeremaya 17:23

But una grand-grand papa nor listin to mi, bikos dem sturbon and nor gri obey or learn from mi.” ’

Jeremaya 36:31

I go ponish yu, yor shidren-shidren and all yor ofisas, bikos of di sin wey all of una kommit. Yu or Jerusalem and Judah pipol nor gri listin to my warnin. So I go bring di wahala wey I bin tell una about, kom.’ ”

Habakkuk 2:7

Den pipol wey una dey whole money, go kom kollect dia money. Dem go turn face una kon take evritin wey una get.

John 13:18

“Wetin I dey tok so nor koncern all of una, bikos I know di pipol wey I choose. Dis show sey God word na true sey, ‘Di pesin wey follow mi chop don turn to my enemy.’

John 13:26

Jesus ansa, “Na di pesin wey I go give dis bread afta I don shuk am inside di pot.” Den e shuk di bread inside di pot kon gi-am to Judas Iskariot, wey bi Simon pikin.

Acts 1:18

(Dis Judas buy one land with di money wey e kollect for di wiked tin wey e do and na der e hang ensef till en belle burst and all en intestine kon skata kom out,

Acts 1:25

so dat e go take Apostle Judas, wey kill ensef, place.”

1 Tesalonians 5:3

Wen pipol dey sey, “Evritin dey okay and peaceful,” na dat time wahala wey go skata evriwhere go kom and e go bi like di pain wey woman dey face wen e won born and nobody go eskape from am.

1 Samuel 2:25

If man sin against man, pesin fit beg God to forgi-am. But if man sin against God, na who go kon pray for am?” But di boys nor gri listin to dia papa, bikos God don sey E go kill dem.

1 Samuel 2:34

“ ‘Wen yor two boys, Hofni and Finehas, go die for di same day, den yu go know sey evritin wey I tok, go happen.