Proverbs 28:16 - Holy Bible Nigerian Pidgin English

¹⁶ Ruler wey nor get betta sense, go rule with wikedness. But pesin wey nor like lie, go rule tey.

Proverbs 28:16 ပူးပေါင်းရင်းမြစ်များ

1 Kings 12:10

Dem ansa, “Yu go tell dem, ‘I wiked and hard pass my papa, Solomon!’

1 Kings 12:14

as di yong men advise am. E sey, “My papa give una hard work, but I go make una work, hard pass as e bi before. My papa dey flog una with ordinary kane, but I go flog una with koboko!”

Nehemaya 5:15

All di govnors wey don rule before mi, trobol di pipol and dey kollect forty silva koins evriday for food and wine. Even dia savants dey opress di pipol too. But I difren from dem, bikos I dey fear God.

Exodus 18:21

But make yu choose good men from di pipol. Men wey dey fear God; dey tok true; doz wey nor dey play wayo kon make dem rulers ova di pipol. Some fit rule tazons, odas hundred, some fifty, while some go rule ten.

Proverbs 15:27

Long-trot dey kill pesin family finish, but doz wey hate bribe, go get long life.

Ekklesiastes 10:16

E go bad for any town wey dia king dey tink like small pikin and dia leaders dey always do party till day break.

Ekklesiastes 4:1

Den I tink of all di wiked tins wey dey happen for dis world. I si pipol wey dem dey opress, dey kry and nobody dey to help dem. Nobody dey to save dem from doz pawaful men wey dey opress dem.

Isaya 3:12

Wiked men dey opress my pipol and doz wey borrow dem money, don turn to dia oga. My pipol, una leaders dey lead una anyhow and naw, una nor know di rite road wey una suppose follow.

Amos 4:1

Samaria wimen, una bi fat melu for Bashan! Una dey ponish pipol wey nor strong, wey dey poor and dey opress doz wey dey hongry, den una go tell una husband, “Give us more wine make wi drink.”