Proverbs 27:20 - Holy Bible Nigerian Pidgin English

²⁰ Just as grave nor dey taya to take dead body, na so too di tins wey pipol wont for dis world, nor dey satisfy dem.

Proverbs 27:20 ပူးပေါင်းရင်းမြစ်များ

Job 26:6

Where dead body dey stay just dey open before God; nor-tin fit kover am from en eye.

Proverbs 15:11

Even Deat and Distroshon nor get sekret for where God dey, tok-less of human being heart!

Proverbs 23:5

bikos yor money fit finish wons like sey e get feada kon fly leave yu like eagle.

Proverbs 27:19

Na yor own face dey shine for di wota wey yu dey look and na yor ownsef yu dey si for yor heart.

Ekklesiastes 1:8

All dis tins dey taya pesin and nobody fit shange or tok as dem bi: No matter wetin wi dey si and hear, awa eyes still won si and awa ear still won hear more.

Ekklesiastes 4:8

E get one man wey dey stay alone, e nor get pikin or broda, but e dey work hard to get more propaty. But e ask ensef, “Na who I dey work for sef wey make mi nor dey fit enjoy mysef?” All dis tins dey yuzles well-well o-o!

Ekklesiastes 6:7

Pipol dey work just bikos of wetin dem go chop, but dem still nor dey beleful.

Isaya 5:14

Deat go open en mout wide dey wait dem and all di big and betta pipol with doz wey dey celebrate for Jerusalem, go soon enter deat mout.

Jeremaya 22:17

But yu dey always tink and look for ways to use wayo take make plenty money. Na to kill innocent pipol and opress yor own pipol, yu dey always tink.

Habakkuk 2:5

True-true, wine go disgrace proud and wiked pipol! Dia mout wide like grave and just as deat nor dey beleful, na so too nor-tin dey beleful dem. Bikos of dia long-trot, dem don gada nashons kon swallow many pipol.

Haggai 1:9

“Una dey put mind sey una harvest go plenty, but na small una dey get. Even wen una karry di small food wey una harvest rish house, I go blow dem trowey. Na wetin make mi do like dat? Na bikos my temple skata and all of una dey build fine-fine house for unasef.

1 John 2:16

bikos evritin wey dey inside di world (tins wey human being body wont; tins wey dey hongry pesin to get and to dey karry body up), nor kom from di Papa, but na dis world dem from kom.