Proverbs 25:12 - Holy Bible Nigerian Pidgin English

¹² Wen wise pesin advise pesin wey ready to listin, wetin e tok, betta pass fine gold ring or necklace.

Proverbs 25:12 ပူးပေါင်းရင်းမြစ်များ

2 Samuel 1:24

Israel wimen, make una mourn for Saul! E dey give una fine klot, jewel and gold.

Job 28:17

Wisdom dey more important pass gold; e even dear pass where gold full or where fine glass dey.

Job 42:11

Job brodas and sistas plus en friends wey run leave am before kon visit am and dem do party for en house. Dem kom tell am sey, “Wi dey sorry for all di trobol wey God kause for yu.” So all of dem kom give Job money and gold rings.

Psalms 141:5

Make pipol wey dey fear God beat and korrect mi with love! Make my head nor rijet good oil! True-true, even with all dia wiked plans, my prayers dey make dem fear.

Exodus 32:2

So Aaron tell dem, “Make una bring di golds wey dey una wifes, sons and dotas ear kom.”

Exodus 35:22

Na both men and wimen kom, dat na di pipol wey dia heart like to give and dem bring dress pins, ear-rings, rings and ornament. Dem still bring difren tins wey dem make with gold as special ofrin to God.

Proverbs 15:5

Na only fool nor dey listin to en mama and papa word; but anybody wey dey take korreshon, go get sense.

Proverbs 20:12

Na God give us eyes to si tins and ear to hear word.

Proverbs 9:8

So, nor ever korrect proud pipol, bikos dem go hate yu; but if yu korrect wise pesin, e go respet yu forever.

Ekklesiastes 7:5

E betta make wise pesin korrect yu dan make fool praiz yu.

Ezekiel 16:12

I give yu one nose ring, ear-ring and one fine crown make yu wear.

Matiu 12:35

As good pesin dey bring good tins from en heart, na so bad pesin dey bring bad tins from en heart too.