Proverbs 24:19 - Holy Bible Nigerian Pidgin English

¹⁹ Make yu nor fear doz wey dey do evil and make yu nor jealous wiked pipol at-all,

Proverbs 24:19 ပူးပေါင်းရင်းမြစ်များ

Psalms 1:1

God go bless di pesin wey nor dey follow wiked pipol advise, dey waka with sinnas or sidan with aproko pipol!

Psalms 119:115

Una wey bi sey na wiked and evil tins full una mind, make una komot from my life; bikos na my God kommandment I go obey till I die.

Psalms 37:1

Make yu nor worry yorsef about wiked pipol wey dey prosper or jealous doz wey dey do bad tins!

Psalms 73:3

bikos I dey jealous proud pipol wen I si dem dey prosper, even doh dem wiked.

Proverbs 13:20

Follow who get sense waka, so dat yu go get sense too; but if yu waka with foolish pipol, na trobol go follow yu.

Proverbs 23:17

Make yu nor jealous sinnas, but make to dey fear God, bi di only tin wey koncern yu for dis life.

Proverbs 24:1

Make yu nor jealous evil pipol or try to make friend with dem,

Proverbs 24:18

bikos God go know if yu dey happy and E nor go like am; den E fit nor kon ponish dem again.

Nombas 16:26

E kon tell di kommunity sey, “Make una komot from doz wiked pipol tent and nor tosh anytin wey bi dia own, if not, God go distroy una bikos of dia sin.”

2 Korintians 6:17

Christ still sey, “Make una kom out and separate unasef from dem,” and “Make una nor tosh anytin wey nor dey klean, den I go welkom una

Efesians 5:11

Make una nor put hand for bad tins, instead, make una dey espose dem.

Revelashon 18:4

Den I hear anoda vois from heaven sey, “My pipol, make una kom out from am, so dat una nor go follow am kommit sin kon sofa di same ponishment.