Proverbs 23:30 - Holy Bible Nigerian Pidgin English

³⁰ Na doz wey dey struggol to drink wine and doz wey dey waka dey find new wine to drink.

Proverbs 23:30 ပူးပေါင်းရင်းမြစ်များ

Jenesis 9:21

Wen e drink some for di wine, di drink kon katch am and e naked for inside di tent.

Psalms 75:8

One cup wey full with wine wey dem mix with spice, dey for God hand and E pour am for di world. True-true, all di wiked pipol for di world go drink from am till e finish.

Proverbs 20:1

Too mush drink dey make pesin tok and bihave anyhow and pesin wey dey drink too mush, nor get sense.

Proverbs 23:20

Nor make friend with pipol wey dey drink wine too mush or chop well-well,

Proverbs 9:2

E don kill animals to take do party, mix spice for inside di wine kon put am for di tabol.

Isaya 28:7

Even di profets and di priests dey stagga bikos dem don drink well-well. Dem don drink plenty wine and e dey konfuse dem. Dem don drink sotey dem nor dey fit undastand di vishon wey God send kom or judge any kase well.

Isaya 5:11

Una own don finish! Una wey dey wake up for early morning bigin drink. Una dey drink still evening until di drink katch una well-well.

Amos 6:6

Una dey drink wine from di basin wey una dey use for sakrifice and dey spray betta perfume for body, but una nor kare about Israel land wey don skata.

Efesians 5:18

Make una nor dey drink strong drink, bikos e go distroy una. But make una allow God Spirit fill una mind.

1 Samuel 25:36

Wen Abigail go back go meet Nabal, e dey do party for en house like king. Nabal dey enjoy ensef and e don drink well-well. Abigail nor tok anytin until di next day.