Proverbs 23:21 - Holy Bible Nigerian Pidgin English

²¹ bikos pipol wey dey drink and chop too mush, go soon luz evritin. So, If all wetin yu dey do na to dey chop and sleep, den yu go soon start to wear rag.

Proverbs 23:21 ပူးပေါင်းရင်းမြစ်များ

Proverbs 18:9

Lazy pesin bad like pesin wey dey distroy tins.

Proverbs 19:15

If yu like, dey lazy and dey sleep anyhow, but make yu know sey honga go soon kom kill yu.

Proverbs 21:17

Pipol wey dey always spend dia money take drink and chop anyhow, nor go ever get plenty money.

Ekklesiastes 10:18

Na so too, wen pesin too lazy to ripair en house, wen en zink dey leak, di house go fall.

Joel 1:5

Una wey dey drink anyhow, make una wake-up bigin kry. Una wey dey drink wine, make una kry; bikos dem don distroy di grape and all una sweet wine don finish.

Matiu 11:19

But wen Man Pikin kom, e chop and drink and una sey, ‘Si am, long-trot, drunkaman, tax kollectors and sinnas friend!’ But God wisdom dey show for wetin e dey do.”

1 Korintians 5:11

But naw, I dey rite to una sey, pipol wey sey dem bi Christians and dem dey do bad tins, make una nor follow dem make friend. Make una nor even chop with dat kind pesin.

1 Korintians 6:10

tif; long-trot; drunkard; doz wey dey curse pipol and doz wey dey play wayo; non of dem go enter God kingdom.

Galatians 5:21

bad belle; killi-killi; to dey drink anyhow and dey do oda tins like all dis ones. I dey warn una naw as I don warn una before sey, pipol wey dey do dis kind tins, nor go enter God kingdom!

Deutronomi 21:20

Dem go tell di eldas for di town sey, “Awa pikin too sturbon and e nor dey hear word, e dey chop and drink anyhow.”

Filippians 3:19

Dem go end for hell; na dia belle bi di god wey dem dey serve. Tins wey suppose make dem shame, naim dey make dem happy and na only tins for dis world dem dey tink about.