Proverbs 23:10 - Holy Bible Nigerian Pidgin English

¹⁰ Make yu nor remove di old boundary stone wey yor grand-grand papa dem take mark land and pikin wey nor get papa and mama, make yu nor take en land.

Proverbs 23:10 ပူးပေါင်းရင်းမြစ်များ

Job 22:9

Nor bi only sey yu nor gri help wimen wey nor get husband again, but yu dey ponish and kollect from shidren wey dia papa and mama don die.

Job 24:9

Wiked pipol dey use small pikin wey nor get papa take do slave kon seize poor pipol shidren, bikos of di money wey dem dey hold.

Job 6:27

Yu go gambol for di pipol wey nor get papa again. Bikos of money, yu go sell yor friends wey like yu well-well.

Psalms 94:6

Dem dey kill wimen wey dia husband don die, strenjas and shidren wey nor get papa and mama again.

Exodus 22:22

“Make una nor sofa wimen wey dia husband don die or shidren wey nor get papa and mama.

Proverbs 15:25

God dey skata proud pipol house, but wimen wey dia husband don die, God dey protet dia propaty.

Proverbs 22:28

Make yu nor remove di old boundary stone wey yor grand-grand papa dem take mark where dia land for end.

Jeremaya 22:3

Dis na wetin God tok: “Make una do wetin dey good and korrect. Make una protet pesin wey dem dey opress from who dey opress am. Make una nor trit or opress strenjas; doz wey nor get papa and mama or wimen wey dia husband don die and make una nor kill innocent pipol for dis land.

Jeremaya 7:5

Make una shange from di kind life wey una dey live kon dey do di rite tin. Make una respet each oda too.

Jeremaya 7:6

Make una stop to opress di strenjas among una; shidren wey nor get papa and mama and wimen wey dia husband don die. Make una stop to kill innocent pipol and woship oda gods, bikos e go distroy una.

Zekaraya 7:10

Make una nor opress wimen wey dia husband don die; shidren wey nor get papa and mama; strenjas wey dey una town; doz wey nid una help and make una nor plan bad against each oda.’

Malakai 3:5

Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

Deutronomi 19:14

Wen una rish di land wey di Oga una God dey give una, make una nor ever tif anoda pesin land or komot di boundary stone for where una grand-grand papa sey make dem put am.

Deutronomi 27:17

Anybody wey tif en neighbour propaty or kut en neighbour land join e own, na curse go follow am. Den all di pipol go ansa, “Amen.”

James 1:27

But betta relijon wey nor get stain for God eye, naim bi dis: to kare for shidren wey nor get papa and mama and wimen wey dey sofa bikos dia husband don die. So, make una keep unasef, so dat dis world nor go stain una.