Proverbs 22:23 - Holy Bible Nigerian Pidgin English

²³ bikos God go judge dia kase for dem kon ponish doz wey dey treaten dia life.

Proverbs 22:23 ပူးပေါင်းရင်းမြစ်များ

Psalms 103:6

God dey do wetin dey good and dey judge well for doz wey dem dey opress.

Psalms 12:5

So God ansa, “Bikos of di wiked tins wey dem don do to pipol wey nor get help and di pains wey poor pipol dey face, I go do sometin; I go fight for dem, bikos na so dem wont make I do since.”

Psalms 12:6

God promise dey pure well-well like silva wey dem melt for fire.

Psalms 140:12

But I know sey God go help di pipol wey dem dey opress kon judge well for poor pipol.

Psalms 140:13

True-true, pipol wey dey do wetin dey rite, dey praiz yor name and doz wey dey fear God, go stay for en present.

Psalms 35:1

My God, make Yu oppoz doz wey dey oppoz mi and fight doz wey dey fight mi.

Psalms 35:10

I go praiz God with all di bones wey dey my body kon sey: “Na who I wont take kompare with my Oga God? Na who go fit save pipol wey nor strong from pipol wey strong? Na who go fit protet pipol wey nor get help and poor pipol from tif?”

Psalms 43:1

My God, make Yu show sey I dey innocent! Save mi from pipol wey nor dey fear Yu. Diliver mi from doz wey dey lie,

Psalms 68:5

Na en bi papa to di pipol wey nor get papa and na en bi husband to wimen wey dia husband don die. God dey rule from en holy place.

Exodus 22:22

“Make una nor sofa wimen wey dia husband don die or shidren wey nor get papa and mama.

Exodus 22:23

If una sofa dem and dem kry kom meet mi, I go listin to dem.

Proverbs 21:7

Na di wahala wey wiked pipol kause dey distroy dem, bikos dem nor gri do wetin dey good.

Proverbs 23:11

Na God dey defend dem and E go judge dia kase against yu.

Isaya 33:1

Pesin wey dey spoil pipol waka nor betta pass doz wey don die, bikos nobody spoil am. Di pesin wey dey deceive odas nor betta pass who don die, even doh nobody deceive am. Wen yu don spoil and deceive pipol finish, oda pipol go spoil and deceive yu too.

Jeremaya 30:16

But naw, doz wey distroy una, dem go distroy dem too and dem go karry all una enemies go Babilon as prisonas. Dem go opress doz wey dey opress una and doz wey tif from una, dem go tif from dem too.

Jeremaya 50:34

But di Pesin wey go save dem, dey strong. Dem dey koll am Oga God wey dey rule ova evritin. E go fight for dem kon bring peace and rest kom di eart, but na trobol, wahala and pain go follow Babilon pipol.”

Jeremaya 51:36

Dis na wetin God tell Jerusalem pipol: “I go bi una lawyer kon judge una kase, den I go fight for una. I go dry Babilon rivers.

Mikah 7:9

I go dey patient as God dey ponish mi, bikos I don sin against am. But afta E don ponish mi, E go fight for mi kon make mi win. God go take mi enter di lite and I go si en raitiousness.

Habakkuk 2:8

Una don tif from many nashons, so doz wey still dey alive, go tif from una. Una don kill pipol kon kause wahala for di whole world.

Malakai 3:5

Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

1 Samuel 24:12

Make God judge between mi and yu and e go save mi from yor hand, but I nor go tosh yu with my hand.

1 Samuel 24:15

Make God judge di matter kon tok who dey rite and wrong. Make e kom defend and save mi from yu!”

1 Samuel 25:39

Wen David hear sey Nabal don die, e kon sey, “Make wi praiz God wey don fight for us, bikos of wetin Nabal do. God stop en savant to do bad and E don reward Nabal with di wiked wey e do.” Den David send pipol go meet Abigail sey make e bi en wife.